I utviklinga av masteroppgåva øvast du opp til sjølvstendig vitskapleg arbeid og framstilling. Masteroppgåva skal handle om eit tema som er relevant for medievitskap.

Masteroppgåva er eit skriftleg arbeid på om lag 80 sider/om lag 32000 ord. Masteroppgåva skal kunna gjennomførast med eitt års heiltidsarbeid, og gjev ei utteljing på 60 studiepoeng. Instituttet har utarbeidd ein rettleiingskontrakt som skal underskrivast av student og rettleiar, og som klargjer rettar og plikter for begge partar. Oppgåva er eit sjølvstendig forskingsarbeid skrive under rettleiing. Dette betyr at vurderingskriteriane er dei same som ved vurdering av vitskapleg kvalitet elles, i lys av omfangsavgrensing og tidsramme for arbeidet.

Krav til vitskapleg framstilling inneber at masteroppgåva må a) innehalda rimeleg klart formulerte problemstillingar, b) demonstrera evne til oversiktleg og samanhengande framstilling, c) demonstrera kjennskap til hovudtrekk ved relevant forsking på feltet, d) innehalda analyse, argumentasjon og dokumentasjon i tråd med problemstillingane i oppgåva, e) eksplisera og gjera greie for eigne teoretiske og metodiske hovudval, som skal vera adekvate ut frå problemstillingane og f) demonstrera forståing av sentrale omgrep og konsistent bruk av desse i framstillinga.  

Tittel på masteroppgåva vert synt på vitnemålet.

• å utføra vitskapleg arbeid gjennom akademisk skriving og munnleg framstilling
• å reflektera omkring vitskaplege vurderings- og kvalitetskriterier og forskingsetikk i eiget og andre sitt vitskaplege arbeid
• å formulera klare problemstillingar og til å trekkja inn relevant kunnskap og forsking på det aktuelle feltet
• å samla inn og systematisera eit større empirisk materiale og å analysera dette materialet i lys av ei sjølvvalt problemstilling
• å grunngje eigne teoretiske og metodiske val og bruka teoriar og teoretiske omgrep i analyse av eit empirisk materiale
• sjølvstendig arbeid, analyse og kritisk refleksjon
• å setja seg inn i nye problemstillingar, tileigna seg ny fagkunnskap og å bruka denne kunnskapen i sjølvstendig analyse av yrkesfaglege og samfunnsmessige problemstillingar

• Deltaking på midtveisseminar
• Etter at masteroppgåva er innlevert skal studenten gi ein presentasjon på 30 minutt av masteroppgåva. Presentasjonen finner stad normalt same dag som avsluttande eksamen. Eksamenskommisjonen bedømmer presentasjonen til godkjend/ikkje godkjend. Dersom presentasjonen ikkje kan godkjennast, vil studenten få høve til å gi ein ny presentasjon, utan å levere oppgåva på nytt. Dette må skje innafor same semester som då oppgåva vart levert. Godkjend presentasjon er ei føresetnad for å gå opp til avsluttande eksamen.

• Ei masteroppgåve på omlag 80 sider/om lag 32000 ord.
• Justerande munnleg eksaminasjon i form av samtale mellom kandidaten og kommisjonen om masteroppgåva, normalt avgrensa til 45 minutt.
• Kommisjonen fastsett endeleg karakter etter ei vurdering av masteroppgåva og justerande munnleg eksaminasjon.