Emner: MIX102 Webdesign og prosjektarbeid - Vår 2018
Studienivå (studiesyklus)
Bachelor
Fulltid/deltid
Fulltid
Undervisningsspråk
Norsk
Undervisningssemester
Vår
Undervisningsstad
Media City Bergen
Mål og innhald
Emnet knytt saman tema frå INFO134 og INFO262, og sett desse inn i konteksten av medie- og interaksjonsdesign. Målet med emnet er å gjennomføre praktiske oppgåver som gjer erfaring med medieorientert interaksjonsdesign. Emnet er delt inn i to modular:
Modul 1 handlar om webdesign og grafisk design og korleis dette kan nyttast for å støtte effektiv og relevant interaksjon.
Modul 2 knytt interaksjonsdesign, programmering og grafisk design saman gjennom eit gruppeprosjekt der studentane lagar ein applikasjon som demonstrerer dugleikar innan dei tre områda.
Læringsutbyte
Studenten skal ved avslutta emne ha følgjande læringsutbyte, definert i kunnskapar, ferdigheiter og generell kompetanse:
Kunnskap:
Studenten
- har kunnskap om ulike former for evalueringsmetodar, designprosessar og metodar for utvikling og testing.
- kan gjere greie for sentrale omgrep i moderne interaktive brukargrensesnitt på mobile klientar og på verdsveven.
- kan gjere greie for teoriar og prinsipp for grafisk design og effektiv visuell kommunikasjon.
Ferdigheiter:
Studenten
- kan integrere interaksjonsdesign, grafisk design og programmering i utviklinga av interaktive vevsider.
- kan presentere ein enkel livssyklusmodell for interaksjonsdesign knytt til mediebruk eller -produksjon.
- kan skildre ulike former for prototypingsaktivitetar, og produsere enkle prototypar av interaktive medieprodukt.
- kan produsere ikon, trådrammer og grafiske brukargrenseflatar som illustrerer medierelevante interaksjonsmoglegheiter, og forklare designvala som blei gjort.
- kan nytte publiseringsverktøy, bilderedigeringsverktøy og andre verktøy relevante for medieproduksjon.
Generell kompetanse:
Studenten
- kan diskutere konseptuelle, praktiske og etiske problemstillingar knytte til evaluering av interaktive system.
- kan planlegge og gjennomføre varierte arbeidsoppgåver og prosjekt innan fagfeltet interaksjonsdesign, aleine og som deltakar i ei gruppe, og i tråd med etiske krav og retningslinjer.
- kjenner til forskings-, utviklings- og innovasjonsarbeid innan interaksjonsdesign, og kan oppdatere kunnskapen sin innan feltet.
Tilrådde forkunnskapar
MEPRO100, MIX101
Studiepoengsreduksjon
MIX102 har ein reduksjon på ti (10) studiepoeng i kombinasjon med MIX104.
Krav til studierett
Reservert for studentar på bachelorprogram i medie- og interaksjonsdesign.
Arbeids- og undervisningsformer
Forelesingar, instruksjon/lab og workshop.
Obligatorisk undervisningsaktivitet
To obligatoriske praktiske oppgåver innan webdesign.
Det er obligatorisk deltaking i all organisert undervisning.
Godkjente obligatoriske krav har ingen tidsavgrensing.
Vurderingsformer
Mappevurdering:
- Gruppeoppgåve: Studentane lagar ein applikasjon som demonstrerer dugleikar i programmering, interaksjonsdesign og webdesign.
- Mappa skal òg inkludere ei skriftleg oppgåve på om lag 4000 ord, ekskludert litteraturliste og vedlegg, der studenten skildrar arbeidsfordeling i gruppa, reflekterer over kva han/ho har lært av det samla arbeidet i mappa, og set arbeidet i ein vitskapleg kontekst.
Gruppeoppgåva og den skriftlege oppgåva må avleggast i same semester, og berre i undervisningssemester. Unntaket er dersom ein stryker på den skriftlege oppgåva eller av tvingande velferdsårsakar ikkje kan gjennomføre den skriftlege oppgåva, så kan ein få moglegheit til å levere denne i påfølgande semester. Ved tvingande velferdsårsakar må studiekonsulent kontaktast.
Karakterskala
Karakterskala A-F
Vurderingssemester
Vår
Studentar med godkjende obligatoriske arbeidskrav kan gå opp til eksamen i det følgjande semesteret
Emneevaluering
Emnet blir evaluert av studentane kvart tredje år, av faglærar kvart år
Programansvarleg
Programstyret ved Institutt for informasjons- og medievitskap
Administrativt ansvarleg
Det samfunnsvitskaplege fakultet ved Institutt for informasjons- og medievitskap
Kontaktinformasjon
studieveileder.praktiskinfomedia@uib.no
Institutt
Institutt for informasjons- og medievitskap