Norsk

Målet med emnet er å presentere studenten for utfordringar knytte til design av system og grenseflatar som støttar medieprodusentar i deira arbeid. Døme er brukarvenlege og brukarorienterte løysingar som hjelper journalistar å navigere store datamengder, applikasjonar som støttar journalistar i felten, og grenseflatar for kollaborativ nyhendeskriving.

Studentane vil tidleg i semesteret bli introdusert til teori og metode knytt til medieproduksjonsstudiar, datastøtta samarbeid og arbeidsplasstudiar. Deretter vil dei i grupper bli utplassert hos ei mediebedrift kor dei utfører eit feltarbeid som lærer dei selskapets rutinar, arbeidsprosessar, verktøy og interaksjonsløysingar. I løpet av praksisperioden observerer studentane arbeidarane, og intervjuar dei om praksisane og erfaringane deira. Deretter lagar studentane ein prototype som hjelper medieprodusentane i arbeidet, og skriv ei tilhøyrande oppgåve der dei evaluerer og argumenterer for designvala sine.

Studenten skal ved avslutta emne ha følgjande læringsutbyte, definert i kunnskapar, ferdigheiter og generell kompetanse:

Kunnskap

Studenten

• kan gjere greie for omgrep innan medieproduksjonsstudiar, datastøtta kollaborativt arbeid, og arbeidsplasstudiar
• kan gjere greie for den rolla etnografiske metodar har i medieproduksjons- og arbeidsplasstudiar

Ferdigheiter

Studenten

• kan identifisere utfordringar som mediepraktikarar har i det daglege arbeidet sitt, og foreslå løysingar knytte til korleis interaksjonsdesign og digital teknologi kan støtte samarbeid og forbetra arbeidsrutinar i mediebransjen
• kan utføre etnografisk-inspirerte feltstudiar på ein arbeidsplass

Generell kompetanse

Studenten

• kan formidle sentralt fagstoff som teoriar, problemstillingar og løysingar i samspelet mellom medieproduksjon og interaksjonsdesign både skriftleg, munnleg og gjennom eigen praksis
• kjenner til forskings-, utviklings- og innovasjonsarbeid innan fagfeltet interaksjonsdesign, og kan oppdatere kunnskapen sin innan feltet

• MIX101 eller INFO132
• MIX102 eller MIX104

• Forelesing, instruksjon/lab og workshop (om lag 120 timar)
• Feltarbeid i bedrift (om lag 120-150 timar)

• To obligatoriske oppgåver, kvar på mellom 2000-3000 ord, innan medieproduksjonsstudiar, datastøtta samarbeid og arbeidsplasstudiar.
• Obligatorisk utplassering hos eit medieselskap.
• Obligatorisk utvikling av ei prototype som hjelper medieprodusentar i deira arbeid.
• Det er 80% obligatorisk deltaking på all organisert undervisning

Dei obligatoriske arbeidskrava må vere godkjende før studenten kan gå opp til eksamen

1. Emneoppgåve: Studentane vel éi av dei obligatoriske oppgåvene som dei vidareutviklar og inkluderer som endeleg innlevering i mappa. Den endelege oppgåva skal vere på mellom 3500-4500 ord.
2. Individuell oppgåve: Studentane skriv i tillegg ei individuell oppgåve på mellom 3500-4500 der dei evaluerer og argumenterer for designvala tatt i utviklinga av prototypen. Prototypen frå modul 3 skal leggjast ved, men blir ikkje karaktersatt.
3. Refleksjonsnotat: Mappa skal òg inkludere eit refleksjonsnotat på 2500-3000 ord der studentane reflekterer over kva dei har lært av det samla arbeidet i mappa.

Institutt for informasjons- og medievitskap