Norsk

Målet med emnet er å gi studentane den metodiske og praktiske kunnskapen dei treng for utviklinga av eit individuelt eller kollaborativt masterprosjekt knytt til mediedesign og interaksjonsdesign for media.

Modul 1: Forskingsdesign blir organisert som ein serie av workshops gjennom heile semesteret. I ein introduserande workshop får studentane innsikt i krava til prosjektskildringa og prosjektdesignet, og lærer korleis dei skal utvikle og organisere sitt eiget masterprosjekt så vel som profesjonelle prosjekter. Dei vil òg diskutere prosjektorganisering, kollaborasjon og samarbeid, og korleis integrere innovasjonstenking i sine eigne masterprosjekt.

I arbeidet med å designe og utvikle masterprosjekta har studentane tilgang til å utforske og eksperimentere med utstyr og lokalar. Der møter studentane instruktør og medstudentar annakvar veke gjennom heile semesteret for intensive workshops kring konsept- og prosjektutvikling. Møta inkluderer å få og gi tilbakemelding på medstudentane sine konsept og utkast. Mellom møta held studentane fram med å utvikle prosjekta individuelt eller i grupper, og leverer til slutt ei felles prosjektskildring kor kvar student sitt bidrag inn i prosjektet er spesifisert.

Modul 2: Feltstudiar innan samhandling med medieteknologi gir studentane teoretisk og praktisk erfaring med metodar for å utføre feltstudiar i ein mediekontekst. Studentane diskuterer etnografiske og sosiologiske perspektiv frå medieproduksjonsforsking og datastøtta samhandling (Computer Supported Cooperative Work), og utfører eit etnografisk orientert feltstudium knytt til eit gitt medium, kor dei arbeider i grupper som utforskar brukaropplevingar med eit utval utdaterte, eksisterande, eller innovative medieprodukt. Det utvalde casestudiet kan vere ein profesjonell medieorganisasjon eller ein enkeltperson sine vanar som mediebrukar. Modulen vil òg handle om korleis feltstudiar kan vere ein del av designet og evalueringa av medieteknologi.

Studenten skal ved avslutta emne ha følgjande læringsutbyte, definert i kunnskapar, ferdigheiter og generell kompetanse:

Kunnskap

Studenten

• Kan skrive ei klar prosjektskildring og ha kunnskap til å velje relevante teoriar og metodar i planlegginga av eit praksisbasert forskingsprosjekt innan brukarsentrert medie- og interaksjonsdesign.

Ferdigheiter

Studenten

• Kan integrere innovasjonstenking og -praksis inn i eit forskings- og utviklingsprosjekt.
• Kan bruke etnografiske metodar og metodar for feltstudiar i den kritiske evalueringa og designet av medieteknologi, og til vurderinga av brukaropplevinga knytt til eit medium, anten dette er spel, sosiale media, strømmetenestar, nettaviser, fysiske aviser, osv.
• Kan utføre avanserte brukarstudiar ut frå relevante etiske standardar.

Generell kompetanse

Studenten

• Kan evaluere etiske, praktiske og metodiske problemstillingar knytte til eit særleg forskings- og utviklingsprosjekt.
• Kan i samband med andre planleggje og gjennomføre eit forskingsprosjekt basert på eit feltstudium og presentere dei empiriske funna, og vurdere dei etiske og sosiokulturelle implikasjonane av funn.

• INFOMEVI300
• MEVI300
• INFO300
• INFO362

Modul 1:

• Tre innleveringar: Konseptskisse, førsteutkast, endeleg prosjektplan.
• Gje tilbakemelding på konseptet og førsteutkastet til ein medstudent.

Modul 2:

• Delta i workshops knytt til metodedesign og datainnsamling (80%).
• Skrive ein felles metoderapport i gruppe.
• Presentere eit individuelt oppgåveutkast.
• Gje tilbakemelding på utkastet til ein medstudent si oppgåve.

Dei obligatoriske arbeidskrava må vere godkjende før studenten kan gå opp til eksamen.

Godkjente obligatoriske krav har ingen tidsavgrensing.

Modul 1: Prosjektskisse (5000-7000 ord). Blir vekta 50%.

Modul 2: Emneoppgåve knytt til feltarbeidet i modul 2 og som skildrar sentrale aspekt ved brukaropplevinga ut frå eit etnografisk perspektiv (5000-7000 ord). Blir vekta 50%.

Alle vurderingsdeler må avlegges samme semester. Ved stryk i en eller flere vurderingsdeler må alle deler tas på nytt ved et eventuelt nytt vurderingsforsøk.

Institutt for informasjons- og medievitskap