Norsk
Ole Bull Akademiet, Voss
Emnet omfattar innføringskurs i folkemusikkretta notelære og høyrelære, analyse av folkemusikkmateriale og bruk av musikkteknologi.
Greidd opptaksprøve ved Ole Bull Akademiet og generell studiekompetanse.
Note- og høyrelære, analyse: gruppeundervisning med øvingsoppgåver. Musikkteknologi: gruppeundervisning med praktiske øvingar i bruk av datamaskin til musikkprogramvare, noteskriveprogram, sequencar og grunnleggjande MIDI, studioarbeid og bruk av PA-utstyr.
Gruppeundervisninga er obligatorisk med krav om minimum 80% frammøte, dersom ikkje anna er nemnt. Studenten si deltaking i obligatoriske faglege aktivitetar skal vurderast som godkjend/ikkje godkjend før avsluttande eksamen. Godkjend obligatorisk arbeid er gyldig i to semester etter ordinært eksamenstidspunkt.
Munnleg/praktisk prøve i høyrelære. Skriftleg prøve på 4 timar i analyse.
Ved sensur av emnet vert karakterskalaen greidd/ikkje greidd nytta.
Studentane skal gje ei skriftleg eller munnleg evaluering av opplegg og undervisning i emnet ved slutten av kvart semester. Leiinga av studiet skal ta omsyn til desse evalueringane ved vidare planleggjing.
For meir informasjon, ta kontakt med Ole Bull Akademiet, 56 51 65 00, oba@olebull.no