Undervisninga startar i haustsemesteret og går over to semester.
Emnet er eit tilbod til studentar som ønskjer fordjuping i hardingfelebygging vidare i studiet. Saman med MOB109 Hardingfelebygging 1 erstattar emnet dei to andreårsemna MOB107 og MOB108 for slike studentar.
Emnet omfattar:
- Hardingfelas historie
- Generell instrumentmakar- og særleg fiolinmakarhistorie
Studentar som har fullført emnet skal ha følgjande læringsutbyte:
Kunnskapar:
Studenten skal ha kunnskap om utviklinga av hardingfela og hardingfeledekoren, historiske felemakarar og deira instrument. Studenten skal kjenne til skilnader i byggjemåte, dekorstil og lydideal mellom sentrale hardingfelebyggjarar, og mellom ulike delar av det geografiske hardingfeleområdet. Studenten skal ha kunnskap om viktige linjer i europeisk instrumenthistorie, særleg fiolinmakarhistorie.
Ferdigheiter:
Studenten skal kunne arbeide sjølvstendig med eit avgrensa emne innanfor felemakarhistorie, og kunne bruke resultata i ei skriftleg framstilling.
Generell kompetanse:
Studenten skal vise evne til å arbeide sjølvstendig med ei problemstilling innanfor eit avgrensa fagfelt, og kunne leggje fram resultata skriftleg i ei akademisk form.
Emnet er normalt eit tilbod til studentar som har gjennomført 1. studieår på Bachelorprogram i utøvande musikk, studieretning Tradisjonsmusikk eller tilsvarande. Tilgjengeleg for studentar som tek emnet MOB109 og vidare fordjuping i hardingfelebygging.
Undervisninga består av førelesingar/seminar og individuell rettleiing. Det blir arrangert besøk ved instrumentsamlingar.
All undervisning er obligatorisk. Fråvær på meir enn 20% fører til tap av eksamensrett. Det er ein føresetnad at alle obligatoriske arbeidskrav er gjennomført og godkjende før eksamen.
Godkjende obligatorisk arbeidskrav er gyldige i to semester etter gjennomføring.
Griegakademiet - Institutt for musikk.
For meir informasjon, ta kontakt med Ole Bull Akademiet, 56 51 65 00, oba@olebull.no