Bachelor
Norsk
Undervisninga startar i haustsemesteret og går over to semester.
Ole Bull Akademiet, Voss. Høve til kortare opphald ved 1- 2 felemakarverkstader andre stader.
Mål:
Emnet har som mål å utvikle vidare dugleik og kunnskapar i hardingfelebygging fram mot bygging av ferdige instrument. Studieopplegget har opplæring under direkte rettleiing av felemakar som sentralt innhald og gir i tillegg høve til kortare studieopphald ved ein eller to andre felemakarverkstader enn hovudverkstaden.
Innhald:
Emnet omfattar:
- Materialkunnskap: Bruksområde, emneval, arbeidsmåtar
- Verktøykunnskap
- Arbeidsprosess: Frå emne til ferdig instrument
- Akustiske omsyn: Materialval, avstemming/tilpassing av delar
- Lakking
- Rigging
- Kunnskap om bygging av andre strykeinstrument
- Grunnleggjande reparasjon og restaurering
- Innføring i bogereparasjon
- Teori: Akustikk og organologi
Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:
Kunnskapar
Studenten ..
* har utvikla vidare sentrale kunnskapar innanfor alle viktige område av hardingfele¬byggjarfaget, inklusive material- og verktøykunnskap, akustisk vurdering av instrument, lakking og rigging, konstruksjonen til andre strykeinstrument, reparasjon og restaurering, akustikk og organologi.
* har kunnskapar som er tilstrekkelege for å kunne byggje hardingfeler av god kvalitet.
Ferdigheiter
Studenten ..
* har utvikla vidare sentrale ferdigheiter innanfor alle viktige område av
hardingfelebyggjarfaget, inklusive material- og verktøybruk, akustiske omsyn, lakking og rigging, reparasjon og restaurering.
* er i stand til å byggje eit fullverdig, ferdig eksemplar av ei hardingfele.
Generell kompetanse
Studenten ..
* viser evne til å arbeide sjølvstendig
* kan vurdere eigne og andres kunstnarlege arbeid og kan sjå dei i samanheng med sentrale diskusjonstema i fagmiljøet.
Emnet er eit tilbod til studentar som tek fordjuping i hardingfelebygging som del av studiet. For slike studentar utgjer emnet, saman med MOB231 Folkemusikkutøving 4 og MOB211 Hardingfeledekor 2, heile fjerdeårsstudiet.
Emnet er normalt eit tilbod til studentar som har gjennomført 3. studieår av bachelorstudiet i tradisjonsmusikk ved Ole Bull Akademiet med fordjuping i felebygging som inkluderer emna MOB208 Hardingfelebygging 2 og MOB209 Hardingfeledekor 1.
Studenten arbeider under rettleiing av hardingfelemakar. Det er førelesingar/seminar i utvalde emne.
All undervisning er obligatorisk. Fråvær på meir enn 20% fører til tap av eksamensrett. Det er ein føresetnad at alle obligatoriske arbeidskrav er gjennomført og godkjende før eksamen.
Godkjende obligatorisk arbeidskrav er gyldige i to semester etter gjennomføring.
Det skal leverast inn eit ferdig eksemplar av ei hardingfele inklusive dekor og rigging, men dekoren blir vurdert i MOB211 Hardingfeledekor 2. Ein kan ikkje levere inn ei vidareføring av hardingfela som vart levert i MOB208 Hardingfelebygging 2, det må vere eit nytt instrument i alle delar. Heilskapen og alle delmoment unnateke dekor er med i vurderinga av instrumentet.
Intern sensur med minst to sensorar.
Det blir lagt opp eit litteraturpensum i eit breitt spekter av faget, inkl. akustikk og organologi.
Studierettleiar kan kontaktast her:
studieveileder@kmd.uib.no
Tlf 55 58 69 50
Ole Bull Akademiet kan kontaktast her:
oba@olebull.no
Tlf 56 51 65 00