Bachelor
Norsk
Undervisninga startar i haustsemesteret og går over to semester.
Ole Bull Akademiet, Voss. Høve til kortare opphald ved 1- 2 felemakarverkstader andre stader.
Emnet er eit tilbod til studentar som tek fordjuping i hardingfelebygging som del av studiet. For slike studentar utgjer emnet, saman med MOB231 Folkemusikkutøving 4 og MOB211 Hardingfeledekor 2, heile fjerdeårsstudiet.
Emnet skal utvikle vidare dugleik og kunnskapar i hardingfelebygging fram mot bygging av ferdige instrument. Studieopplegget har opplæring under direkte rettleiing av felemakar som sentralt innhald, og gir i tillegg høve til kortare studieopphald ved 1-2 andre felemakarverkstader enn hovudverkstaden. Emnet omfattar:
Studentar som har fullført emnet skal ha følgjande læringsutbyte:
Kunnskapar:
Studenten skal ha utvikla vidare sentrale kunnskapar innanfor alle viktige område av hardingfelebyggjarfaget, inklusive material- og verktøykunnskap, akustisk vurdering av instrument, lakking og rigging, konstruksjonen til andre strykeinstrument, reparasjon og restaurering, akustikk og organologi. Studenten skal kunnskapar som er tilstrekkelege for å kunne byggje hardingfeler av god kvalitet.
Ferdigheiter:
Studenten skal ha utvikla vidare sentrale ferdigheiter innanfor alle viktige område av hardingfelebyggjarfaget, inklusive material- og verktøybruk, akustiske omsyn, lakking og rigging, reparasjon og restaurering. Studenten skal vere i stand til å byggje eit fullverdig, ferdig eksemplar av ei hardingfele.
Generell kompetanse:
Studenten skal vise evne til å arbeide sjølvstendig, kunne vurdere eigne og andres kunstnarlege arbeid og kunne sjå dei i samanheng med sentrale diskusjonstema i fagmiljøet.
Emnet er normalt eit tilbod til studentar som har gjennomført 3. studieår av bachelorstudiet i tradisjonsmusikk ved Ole Bull Akademiet, med fordjuping i felebygging som inkluderer emna MOB208 Hardingfelebygging 2 og MOB209 Hardingfeledekor 1.
Studenten arbeider under rettleiing av hardingfelemakar. Det er førelesingar/seminar i utvalde emne.
All undervisning er obligatorisk. Fråvær på meir enn 20% fører til tap av eksamensrett. Det er ein føresetnad at alle obligatoriske arbeidskrav er gjennomført og godkjende før eksamen.
Godkjende obligatorisk arbeidskrav er gyldige i to semester etter gjennomføring.
Ved sensur av emnet blir karakterskalaen greidd/ikkje greidd nytta.
Det blir lagt opp eit litteraturpensum i eit breitt spekter av faget, inkl. akustikk og organologi.
Griegakademiet - Institutt for musikk.
For meir informasjon, ta kontakt med Ole Bull Akademiet, 56 51 65 00,