Bachelor
Norsk
Ole Bull Akademiet, Voss
Studentar som har fullført emnet skal ha følgjande læringsutbyte:
Studenten skal ha opparbeidd eit høgare nivå når det gjeld tradisjonsforståing og repertoarkunnskap.
Ferdigheiter:
Studenten skal ha vidareutvikla det solistiske uttrykket sitt, og kunne utøve tradisjonsmusikk på eit høgare musikalsk og teknisk nivå, solo og i samspel.
Generell kompetanse:
Studenten skal kunne arbeide med gode resultat i ulike samspels- og prosjektarbeidsformer.
Emnet er tilgjengeleg for studentar som har gjennomført Tradisjonsmusikk I (dei 2 første åra av bachelorprogrammet i tradisjonsmusikk ved Ole Bull Akademiet), eller som har anna 2-årig, høgre utdanning som inkluderer minimum 15 stp. folkemusikkutøving og 15 stp. folkemusikkrelevant teori/støttefag. Det er opptaksprøve for eksterne søkjarar. Emnet byggjer på MOB121 Folkemusikkutøving 2 eller tilsvarande.
1) Hovudinstrument: Individuell undervisning, og førelesingar eller seminar/workshops om utvalte tema.
2) Bi-instrument: Individuell undervisning. Kan erstattast med hovudinstrumenttimar dersom studenten tek bi-instrument som valemne.
3) Samspel: Gruppeundervisning, og prosjektarbeid med rettleiing. Utvalde problemstillingar vil bli tekne opp i førelesingar, på seminar eller workshops. Delar av undervisninga kan bli gitt som felles tilbod med studentar ved Griegakademiet ¿ Institutt for musikk, dersom det ligg til rette for det. Studenten kan velje større eller mindre vekt på samspel, sjå under vurderingsformer.
Individuell undervisning i hovud- og bi-instrument, førelesingar, seminar/workshops, gruppeundervisning, prosjektarbeid, og deltaking i studentkonsertar er obligatorisk. Undervisninga er obligatorisk med krav om minimum 80% frammøte, dersom ikkje anna er nemnt.
I eksamenssemesteret skal det leggjast fram ei repertoarliste på 45 minutt spel / song. Repertoarlista skal vere godkjend av faglærar og leverast inn til studieadministrasjonen innan ei veke før eksamenstidspunkt.
Studenten si deltaking i obligatoriske faglege aktivitetar skal vurderast som godkjend/ikkje godkjend før avsluttande eksamen.
Eksamen er ei konsertframføring på 25 minutt. For studentar som vel større vekt på samspel skal 10 minutt av konserten vere samspel. Intern sensur med minst to sensorar.
Ved sensur av emnet vert karakterskalaen greidd/ikkje greidd nytta.
For meir informasjon, ta kontakt med Ole Bull Akademiet, 56 51 65 00, oba@olebull.no