Emnet er erstattet av MOL221 og MOL222. Siste undervisningstermin i MOL202 var våren 2014.

Emnet gir ei innføring og oversikt i dei viktigaste metodar i biokjemi og molekylærbiologi. Studentane skal lære seg å arbeide både kvantitativt og kvalitativt. Statistisk analyse og signifikansvurdering av data vil bli vektlagt. Kurset vil ta føre seg arbeid med bakteriar og celler, preparativ biokjemi, enzymologi og genteknologi. Vidare vil det bli gitt ei grundig innføring i instrumentelle teknikkar som spektroskopi, kromatografi, elektroforese og bruk av sentrifuger. Tryggleiksaspekt ved laboratoriearbeid blir og vektlagt. Emnet har som mål å gje basalkunnskap i eksperimentell biokjemi og molekylærbiologi og dannar grunnlag for vidare studie i molekylærbiologi.

Ved fullført emne MOL202 skal studenten kunne:

- greia ut om grunnleggjande metodar innan eksperimentell molekylærbiologi.

- bruka grunnleggjande separasjonsteknikkar til å reinse makromolekylar frå bakteriar og eukaryote celler.

- bruka sentrale instrumentelle og genteknologiske metodar til separasjon og analyse av protein og nukleinsyrer.

- kunna tolka og rapportera analyseresultat kvalitativt og kvantitativt.

- fylgja vanlege tryggleiksrutinar for laboratoriearbeid innan molekylærbiologi.

Laboratorierapportar (30%) og skriftleg eksamen, 4 timar (70%).

Tillatne hjelpemiddel: Enkel kalkulator i samsvar med modell oppført i fakultetets reglar