Emnet vil med utgangspunkt i fagområdet musikk kaste lys over problemstillingar innanfor utøving/skaping som praksis i ulike kontekstar i samfunnet. Refleksjon rundt tilhøvet musikk/kultur/samfunn vert styrka gjennom drøfting av identitet og kulturelle tenkjemåtar.
Musikk som kulturuttrykk får ulike valørar i høve til meining/politikk, verdispørsmål og funksjonalitet. Emnet gjev innføring i teori relatert til bruk av musikk i ulike samanhengar der musikken si rolle og verdi knytta til kulturell, sosial og politisk kontekst vert vektlagd. Emnet vil soleis drøfte musikk som kunst, vitskap og kvardagspraksis. Emnet vil dekkje tema som musikk og verdiar, musikk og identitet, musikk og utvikling, kunst, kunnskaps- og kulturomgrep.
Forståing av samspelet mellom teori og praksis for utøvarar, komponistar og musikkterapeutar vert tilegna gjennom drøfting på tvers av praktiske skilleliner.Det er mogleg å leggje opp eit praktisk prosjektarbeid som ein del av studiet. Emnet gjev ei innføring i kulturelle og sosiale perspektiv og tematiserer spesielt musikken si rolle i samfunnet. Emnet set som mål å gjere studentane i stand til teoretisk refleksjon rundt eigen musikkpraksis, og denne i relasjon til andre musikkpraksisar.
All undervisning er obligatorisk.
Fråvær på meir enn 20 % fører til tap av eksamensrett.
Det er ein føresetnad at alle obligatoriske arbeidskrav er gjennomført og godkjent før eksamen.
Semesteroppgave på 5000 - 6000 ord. Litteraturliste og vedlegg kjem i tillegg. Oppgåva skal relaterast til førelesingar og pensum, og ho kan ta utgangspunkt i eventuelt prosjektarbeid. Intern sensur med minst to sensorar.