Emnet gjev studenten fordjuping og erfaring i improvisasjon gjennom å arbeide med musikalsk grunnlagsmateriale innafor melodi, rytmikk og klang. Studenten skal bli friare i si utøving på sitt eige instrument. Emnet er sjangeruavhengig.

Ensemblespel er ein sentral del av emnet og difor vil mye av undervisninga og konsertverksemda vere i eit ensemble. Ensemblet vil fungere som eit basisensemble som vil bli nytta ved konsertar og eksamen.

Studenten skal også arbeide med solistiske innslag.

• kan nytte sitt eige instrument til å improvisere med utgangspunkt i musikalsk grunnlagsmateriale innanfor melodi, rytmikk og klang.
• kan nytte seg av teknikkar i høve til improvisatorisk bruk av eige instrument som soloutøvar og i eit ensemble.
• kan nytte sitt eige instrument til å improvisere i ulike musikalske settingar
• kan vise dugleik i improvisasjon og ensemblespel på høgt kunstnarleg nivå.

Undervisninga omfattar arbeid med ulike former for musikalsk grunnlagsmateriale. Det vil bli arbeidd med ulike variantar av melodi, rytmikk og klang med siktemål om å oppnå ein friare musikkutøving på sitt eige instrument.

Gjennom etydar/øvingar utforskar ensemble og enkeltstudentar område som bidreg til å utfordre eins musikalske ståstad.

Innanfor området melodi blir det mellom anna arbeidd med modalitet, bitonalitet og intervalliske strukturar. l rytmikk blir det arbeidd med puls, underdeling og polyrytmikk, medan ein innanfor området klang arbeidd med emne som registerbruk, dynamikk, harmoni og klangfarge.

I tillegg blir det sett fokus på ulike teknikkar brukt i sjangeruavhengig improvisasjon.

• deltaking på fellesundervisning
• deltaking i ensemble og enembleprøvar
• deltaking på tre konsertar i løpet av undervisningsperioden.

All undervisning er obligatorisk. Fråvær på meir enn 20% fører til tap av eksamensrett. Det er ein føresetnad at alle obligatoriske arbeidskrav er gjennomført og godkjent før eksamen.

Ein konsertframføring i slutten av vårsemesteret. Studentane på emnet skal saman gje ein konsert på minimum 30 minuttar. Studentane får individuell vurdering.

Intern sensur med minst to sensorar.