Undervisninga startar i haustsemesteret og går over to semester.

Emnet siktar mot å utvikle studentane sin kompetanse til skaping. Gjennom arbeid med forskjellige uttrykksformer, søkjer ein ei brei orientering, med jazztradisjon som overordna ramme.

Emnet består av gehør/improvisasjon og arrangering/komponering.

Sentralt i gehør/improvisasjon står instrumentell bruk av skala-/akkordrelasjon, funksjonsbasert improvisasjon og modal improvisasjon, enkel polyrytmikk, beat-/grooveforståelse i ulike tradisjonar. Basis for alle desse emnedelane er vektleggjing av interaksjon, og undervisninga foregår derfor i ensemble. Transkribsjonsarbeid er også nytta som metode i emnet.

I arrangering/komponering skjer ei fordjuping i rytmikk, akkordlære, instrumentasjon og formforståing. Denne delen av emnet vil i størst mogleg grad vere basert på praktisk arbeid og utprøving i eigna ensembler.

• kan arrangere og komponere med hjelp av vidarekomne metodar og meir avanserte verkty i jazzrelatert stil.
• kan improvisere i ensemble med bruk av meir avansert skala, funksjon og rytmikk og forstår å kombinere desse i eit musikalsk uttrykk.
• kan dokumentere god kjennskap og evne til å kjenne att til rytme og tonalitet gjennom lytting til jazzrepertoaret.

Emnedelane gehør/improvisasjon og arrangering/komponering vert integrerte dersom tilhøva ligg til rette for det. Undervisninga er praktisk orienterte og studentane utgjer eit basisensemble for fagleg utvikling og utprøving.

I gehør/improvisasjon vert det gitt fordjuping i skala-/akkordrelasjon, funksjonsbasert improvisasjon og modal improvisasjon, polyrytmikk, beat-/grooveforståelse i ulike tradisjonar. Basis for alle desse emnedelane er vektleggjing av interaksjon, og undervisninga foregår derfor i ensemble. Individuelt transkribsjonsarbeid er òg nytta som metode i dette delemnet.

I arrangering/komponering vert det gjeve fordjuping i rytmikk, avansert blokkharmonisering og reharmonisering, instrumentasjon og formforståing. Undervisninga vil i størst mogleg grad vere basert på praktisk arbeid og utprøving i eigna ensemble.

Undervisning i emnedelane vert gitt i form av gruppeundervisning og individuell rettleiing. Studentane vert normalt organiserte i grupper på opptil 6.

• Delta på førelesingar.
• Oppgåveinnlevering, minimum 5 oppgåver.
  

All undervisning er obligatorisk.

Fråvær på meir enn 20% fører til tap av eksamensrett. Det er ein føresetnad at alle obligatoriske arbeidskrav er gjennomført og godkjent før eksamen.

Eksamen omfattar to delar som vert vekta likt:

• Jazzarrangering/komposisjon: Ei mappe med 5 godkjende oppgåver.
• Gehør/improvisasjon: Munnleg eksamen.

Mappa i jazzarrangering/komposisjon må vere greidd før munnleg eksamen.

Ein av eksamensdelane, gehør/improvisasjon eller jazzarrangering/komposisjon, vil ha ekstern sensur med ein ekstern sensor og til saman minst to sensorar. Den andre eksamensdelen vil ha intern sensur med minst to sensorar. For begge eksamensdelane gjeld at ein av sensorane kan vere faglærar i delemnet.