Undervisninga startar i haustsemesteret og går over to semester

Målet for studiet er å byggje ei grunnleggjande og historisk fundert forståing for jazz som musikalsk uttrykksform og kjennskap til sosio-kulturelle høve rundt jazz som fenomen. I tillegg skal emnet gi ei innføring i nokre grunnleggjande problem (innhaldsmessig og metodisk) knytt til historieframstilling. Til saman skal dette skape grunnlag for ei kritisk fundert forståing for jazzhistorie.

Det vert gjeve innføring i

• jazzens røter
• ulike retningar/epokar innan jazz, inkludert grunnleggjande forståing for kva som konstituerer desse, både musikalsk og sosio-kulturelt
• spesialiserte emne av jazzhistorisk relevans
• tekstanalyse/kjeldekritikk og oppgåveskriving.

• kan gjere greie for hovudstrømmingane i jazzmusikkhistoria.
• har eit språk for å beskrive ulike problemstillingar i høve til utviklinga av stilretningar og historieskriving som fagfelt.
• kan kjenne att eit utval sentrale komposisjonar frå jazzmusikkhistoria.

Studierett ved UiB. Studentar som ikkje har emnet som obligatorisk emne i sin bachelorgrad, og andre studentar med studierett ved Universitetet i Bergen, må søke om opptak til emnet innan 15. august i. Emnet har avgrensa kapasitet. Når det er naudsynt å avgrensa tilgangen, gjeld følgjande rangering:

1. Studentar på bachelorprogrammet i utøvande musikk eller komposisjon
2. Studentar på andre program på Griegakademiet ¿ Institutt for musikk
3. Andre studentar med studierett ved Universitetet i Bergen.

Om emnet blir fullteikna, vil opptak av gruppe 3 skje på grunnlag av søknadstidspunkt.

• Delta på førelesingar og oppgåveseminar
• Oppgåverettleiing.

All undervisning er obligatorisk og må vere gjennomført og godkjent før eksamen.

Fråvær på meir enn 20% fører til tap av eksamensrett. Det er ein føresetnad at alle obligatoriske arbeidskrav er gjennomført og godkjent før eksamen.

Vurderingsforma er ei skriftleg oppgåve og munnleg eksamen.

• Den skriftlege oppgåva skal ha eit omfang på 8-10 sider. (Times 12, 1 ½ linjeavstand, ca. 4000 ord). Intern sensur med minst to sensorar.
• Munnleg eksamen tek utgangspunkt i lesepensum og lytterepertoar. Ekstern sensur med minst to sensorar.

Oppgåva og munnleg eksamen blir vekta likt. Kvar eksamensdel er gyldig i to semester etter gjennomføring.