Undervisninga startar i haustsemesteret og går over to semester.
Emnet inneheld arbeid med korps under rettleiing, dirigering, partiturarbeid og ensembledidaktikk.
Emnet skal lære studenten til å meistre direksjonsteknikk og til å formidle uttrykk og interpretasjon andsynes eit ensemble.
Emnet vert normalt organisert i samarbeid med Norges Musikkorps Forbund (NMF).
Studentar som har fullført emnet
- kan dirigera med bruk av taktfigurar.
- kan formidle tempo, karakter og dynamikk til eit korps.
- har metodar for å innstudere repertoar med eit korps/ensemble.
- kan elementære metodar for arrangering og instrumentering for korps.
120 studiepoeng i musikk tilsvarande dei to fyrste åra ved Bachelorprogram i utøvande musikk eller komposisjon ved Griegakademiet ¿ Institutt for musikk.
Det vert halde opptaksprøve for alle kvalifiserte søkjarar.
Studentane tek aktivt del i øvingar, konsertar og andre typer prosjekt (f.eks. innspeling) knytt til undervisninga.
Eigeninnsats er sett saman av førebuing av eige direksjonsrepertoar, innøving og øving med øvingsensemble utan veileiar.
Fellesprosjekter med andre studieemne (t.d. ulike tilbod innan arrangering, orkestrering og komposisjon) er aktuelt når tilhøva ligg til rette for det.
- praksis og observasjon
- praksisrapport
- partiturarbeid med vekt på arrangering/instrumentasjon
- 3 konsertframføringar
Studenten skal laga ein komposisjon, eit arrangement eller eit orkestreringsarbeid av 3-5 minutt lengde som vert framført i samband med eksamenskonsert.
All undervisning er obligatorisk.
Fråvær på meir enn 20% fører til tap av eksamensrett. Det er ein føresetnad at alle obligatoriske arbeidskrav er gjennomført og godkjent før eksamen.
Griegakademiet - Institutt for musikk. E-post: studierettleiar@grieg.uib.no