Bachelor.

Norsk og/eller engelsk.

Undervisninga startar i haustsemesteret og går over to semester.

Gjennom emnet skal studenten

- tileigne seg kunnskap, innsikt og evner i å akkompagnere/delta i samspel med instrumentalistar og songarar i breiast mogleg repertoar,

- utvikle musikalsk fleksibilitet, samarbeidsevne, kreativitet og formidlingsevne,

- verte stimulert til å diskutere og verbalisere musikalske problemstillingar

Studentar som har fullført emnet

- meistrer vanlege akkompagnementsoppgåver i høve til hovudinstrumentet sitt.

- kan kommunisere og realisere musikalske idear til samspelpartnar.

- kan motta og omsetje musikalske idear i eige spel.

- har eit språk for å beskrive musikalske problemstillingar.

Emnet er normalt eit tilbod til studentar som har gjennomført 2. studieår på Bachelorprogram i utøvande musikk eller komposisjon eller tilsvarande.

MUV225 Akkompagnement I rettar seg primært mot studentar med piano som hovudinstument, men studentar med hovudinstrumenta cembalo, orgel eller gitar kan også søkje.

Bachelorprogram i utøvande musikk eller komposisjon.

Gjennom studiet skal studenten arbeide med:

- Utvikling av eigne evner, interpretasjon og tileigning av repertoar.

- Primavista-spel

Faget kan også omfatte kor-repetisjon og partiturspel, for cembalo, orgel og dessutan generalbass.

Individuell rettleiing og samspelrettleiing står sentralt.

Det er ein føresetnad at det blir inngått faste samspelsavtalar med medstudentar på ulike instrument. Studenten i emnet skal akkompagnere minst èin songar.

Studenten skal dessutan på eiga hand arbeide med litteratur om interpretasjon og samspel/akkompagnement, og med tekst- og språkforståing innan song.

Studenten blir rådd til å følgje den undervisninga som blir gjeve i samband med fellesfora for vokalstudentar eller andre relevante akkompagnementsfora.

Delta på undervisning, individuell rettleiing.

Repertoarkrav:

Minimum 60 minutt med variert repertoar.

Repertoaret skal verte dokumentert i eksamenssemesteret og levert på eige skjema innan 15. april (ev. 15. oktober), godkjent av faglærar

Studenten gjer framlegg om eit eksamensprogram, som skal godkjennast av faglærar innan 15. april (ev. 15. oktober).

All undervisning er obligatorisk.

Fråvær på meir enn 20% fører til tap av eksamensrett. Det er ein føresetnad at alle obligatoriske arbeidskrav er gjennomført og godkjent før eksamen.

Studenten vel eit eksamensrepertoar på 20 min frå sitt repertoar (sjå ovanfor).

Dette skal framførast som konsert. Intern sensur med minst to sensorar.

Bokstavkarakterar frå A til F.

Griegakademiet - Institutt for musikk. E-post: studierettleiar@grieg.uib.no