Undervisninga startar i haustsemesteret og går over to semester.
Emnet skal saman med hovudinstrument/-disiplin gje studenten eit utvida kunstnarleg og teknisk fundament for kreativ, allsidig og sjølvstendig arbeid som musikar.
Emnet byggjer på gjennomført MUV227 Bi-instrument A eller MUV228 Bi-instrument B, og skal vidareutvikle utøvande ferdigheit, kunnskap og formidlingsevne i song eller på instrument.
Emnet fokuserer på:
Eigne evner som utøvar:
Studenten skal utvikle grunnleggjande teknisk og musikalsk ferdigheit gjennom individuell rettleiing, eiga øving og samspel.
Grunnleggjande teknisk og musikalsk ferdigheit:
Studenten får trening gjennom øvingar/etyder til å beherske vanlege krav til t.d. orkesterspel på instrumentet.
Instrumentkunnskap/stemmefysiologi:
Studenten skal få kjennskap til konstruksjonen/fysiologien, verkemåten og historikken til instrumentet/stemma. Det vert vist til relevant litteratur.
Interpretasjons- og repertoarkunnskap:
Studenten skal arbeide med minst to relevante sjangrar og/eller stilartar. Der det er aktuelt skal studenten arbeide med orkesterstemmer.
Samspel:
Studenten bør vere med i ensemble (inkludert duo) med relevant repertoar.
Emnet vert tilbydd på
I tvilstilfelle skal programleiinga avgjere kva instrument som kan studerast som biinstrument.
Gjennomført MUV227 Bi-instrument A eller MUV228 Bi-instrument B.
Emnet er normalt eit tilbod til studentar som har gjennomført 2. studieår på Bachelorprogram i utøvande musikk eller komposisjon eller tilsvarande.
Undervisninga vert gjeven gjennom individuell rettleiing.
Det inngår ingen akkompagnatørressurs i emnet.
All undervisning er obligatorisk. Fråvær på meir enn 20% fører til tap av eksamensrett. Det er ein føresetnad at alle obligatoriske arbeidskrav er gjennomført og godkjent før eksamen.
Eksamen vert gjennomført som ei konsertframføring av eit repertoar på 20 min, der deler av programmet kan vere samspelrepertoar.
Intern sensur med minst to sensorar.
Bokstavkarakterar frå A til F.
Emnet erstatter MUV2153 Biinstrument II.
Griegakademiet - Institutt for musikk. E-post: studierettleiar@grieg.uib.no