Emnet skal førebu studenten på eit yrkesliv som improviserande
musikar ved å utvikle:
- gehørspel/improvisasjon
- stilistisk differensiert interpretasjonsevne
- teknisk og musikalsk ferdigheit
- eit breitt repertoar
- personleg uttrykk og formidlingsevne
Emnet er sett saman av følgande delemne:
- eigenferdigheit
- innstuderings- og øvingsteknikk
- instrumentkjennskap/stemmefysiologi
- interpretasjons- og repertoarkunnskap
- ensemblespel
- konsert- og formidlingspraksis
Eigenferdigheit tek m.a. opp improvisasjonskunnskap,
spele-/vokalteknikkar, skalaer og etyder og primavistaspel/-song.
Innstuderings- og øvingsteknikk tek opp metoder for å oppnå
effektivitet i øvinga og unngå belastningsskadar.
Interpretasjons- og repertoarkunnskap tek, gjennom vurdering og
utprøving, opp ulike tolkingsmåtar knytt til jazz som musikalsk
uttrykk.
Ensemblespel skal gje studenten erfaring med relevante ensemble av
ulik storleik.
Greidd eksamen i emnet MUG143 Hovudinstrument jazz 2 og MUG160 Utøvande støttedisiplin, ensembleleiing eller tilsvarande.
- Delta på følgjande undervisning:
- individuell rettleiing med hovudinstrumentlærar/-ar
- fellesfora knytt til instrument og/eller instrumentgruppe
- ulike samspelsaktivitetar i ensemble av ulik storleik (jf. eigen semesterplan)
- prosjektveker (jf. eigen semesterplan)
- meisterklassar og seminar (jf. eigen semesterplan)
- minimum tre framføringar av solistisk og kollektiv karakter på interne og/eller offentlege konsertar, til saman min. 90 minutt.
Repertoarkrav:
- minst 60 minutt repertoar/15 komposisjonar av ulik karakter.
Repertoar skal verte dokumentert i eksamenssemesteret og leverest på eige skjema innan 15. april (ev. 15. oktober), godkjent av hovudinstrumentlærar.
Studenten gjer framlegg om eit eksamensprogram, som skal godkjennast av hovudinstrumentlærar innen 15. april (ev. 15. oktober).
All undervisning er obligatorisk. Fråvær på meir enn 20% fører til tap av eksamensrett. Det er ein føresetnad at alle obligatoriske arbeidskrav er gjennomført og godkjent før eksamen. Godkjente obligatoriske arbeidskrav er gyldig i to semester etter gjennomføring.
Det vert halde eksamen etter andre semester Eksamen omfatter ei konsertframføring med min. 6 komposisjonar frå eige repertoar, til saman på 40-45 minutt.
Intern sensur med minst to sensorar. Ein av desse kan vere studenten sin hovudinstrumentlærar.
Griegakademiet - Institutt for musikk. E-post: studierettleiar@grieg.uib.no