Emner: MUV235 Hoveddisiplin komposisjon 4 - Høst 2014

Studiepoeng

30.0

Studienivå (studiesyklus)

Bachelor

Undervisningsspråk

Norsk og/eller engelsk

Undervisningssemester

Undervisninga startar i haustsemesteret og går over to semester.

Undervisningsstad

Bergen

Mål og innhald

Studenten vil i dette emnet arbeide med kreative og kompositoriske prosessar, som så skal setjast inn i eit større fagleg perspektiv. Gjennom å kombinere skapande og analytisk arbeid skal studenten øve opp vurderingsevna og forståinga for tekniske og estetiske aspekt, både i eigne komposisjonar og innanfor musikalsk praksis generelt.

MUV235 / Hoveddisiplin Komposisjon 4 er det fjerde hovedemnet i den fireårige komposisjonsutdanningen, og vert studert i sammenheng med det føregåande emnet MUV 234 / Hoveddisiplin Komposisjon 3.

Emnet vil kvalifisere for vidare studiar innanfor komposisjon eller musikkteori/vitskap, eller det kan bli komplettert med ei pedagogisk påbyggjing. Emnet gjev eit fagleg fundament for framtidig arbeid innanfor musikkfeltet som t.d. komponist eller pedagog, innan formidling, musikkadministrasjon osb.

Emnet vidareutviklar ferdigheita i og kunnskapen om komposisjon, både som eit sentralt kulturberande fag innanfor musikkfeltet og som kunstnarleg uttrykk i seg sjølv.

Som emnet MUV234 handsamar MUV235 moderne kunstmusikalsk komposisjon, med stor vekt på eiga kunstnarleg utvikling. Emnet gjev dermed rom for større grad av fordjuping og konsentrasjon omkring avgrensa tema, noko som også vil kunne påverke innhaldet i dei ulike komponentane. Fordjupinga skal framleis få perspektiv og styrkje gjennom undersøkingar av relevant musikk, komposisjonsteknikkar og aktuelle problemstillingar henta frå ulike område av heile musikktradisjonen.

Emnet skal normalt studerast i semester 7-8 innanfor ei fireårig komposisjonsutdanning.

Det sjølvstendige arbeidet til studenten står sentralt, gjennom individuell rettleiing med tilpassa øvingsopplegg og pensumframlegg, og gjennom aktiv deltaking i fellesseminar.

Læringsutbyte

Studenten i fullført emne
- viser kunstnarleg uttrykksevne.
- viser evner til å realisere eigne musikalske intensjonar.
- viser innsikt i ulike stilartar og musikktradisjonar.
- kan jobbe målretta og sjølvstendig, åleine og saman med andre.
- kan drive musikalsk arbeid saman med andre, og kommunisere på ein konstruktiv måte.
- har evne til å improvisere.
- har utvikla eit personlig tonespråk.
- kan presentere og formidle musikk i ulike samanhengar.

Krav til forkunnskapar

Det er ein føresetnad at studenten er teke opp til bachelorprogrammet i musikk og har gjennomført eksamen i emnet MUV234 eller tilsvarande.

Tilrådde forkunnskapar

Søkjaren bør ha ei god oversikt over tradisjonelt og nyare musikkrepertoar, og dessutan vere orientert i sentrale omgrep og problemstillingar frå musikkteori/estetikk og musikkskaping.

Krav til studierett

Bachelorprogram i utøvande musikk eller komposisjon

Undervisningsformer og omfang av organisert undervisning

Emnet fokuserer på:
- komposisjon som kreativ prosess
- komposisjonsteknikkar og instrumentasjon
- verkanalysar og repertoarkunnskap
- estetiske problemstillingar
- konsert- og formidlingspraksis

Studiet byggjer på ei tett sameining mellom dei ulike delemna gjennom tilpassa undervisningsopplegg. Hovuddisiplinlærar har eit særskild ansvar for å tilretteleggje ein individuell arbeidsplan. i tråd med studieplanen.

Opplegget og innholdet i dette emnet er sterkt knytta til MUV234 /Hoveddisiplin komposisjon 3. Den individuelle progresjonsplanen for dette emnet vil derfor sjå begge emna under eitt.

Komposisjon som kreativ prosess:
Gjennom individuell rettleiing, i prosjekt og i seminar arbeidar studenten med definerte oppgåver og med eigne verk. Ei oversikt over gjennomførte arbeid og øvingar skal godkjennast av faglærar før framstilling til avsluttande eksamen.

Komposisjonsteknikkar og instrumentasjon:
Gjennom individuelle timar, seminar og eigen innsats skal studenten arbeide vidare med utvalde satsteknikkar og instrumentasjonspraksis frå eldre og nyare tid som er nyttige i høve til eigen utvikling som komponist.
Bruk av datamaskin høyrer med i dette arbeidet. Ei oversikt over gjennomførte
arbeid og øvingar skal godkjennast av faglærar før framstilling til avsluttande eksamen

Verkanalysar og repertoarkunnskap:
Utvalde verk frå eldre og nyare kanon blir gjennomgått i rettleiing og/eller i seminarform.
I tillegg skaffar studenten seg ei meir generell repertoaroversikt over sentrale verk og stilar i høve til eige arbeid, gjennom lytting og/eller partiturlesing. Eit slikt individualpensum blir utforma i samråd med faglærar. Studenten skal minst ein gong i løpet av studieåret leggje fram ein verkpresentasjon eller analyse i seminar, og samstundes i arkiverbar form (tekst, lyd, video) frå seminar). Individualpensum og seminarmedverknad skal godkjennast av faglærar før framstilling til avsluttande eksamen.

Estetiske problemstillingar:
Komponentane ovanfor skal også granskast nærare som konkrete døme på
sentrale problemstillingar kring viktige omgrep som til dømes rom, tid, meining og funksjon sett frå ein musikalsk ståstad.I samband med dette skal det i samråd med faglærar bli lagt opp eit individualpensum. Individualpensumet skal vere godkjent av faglærar før framstilling til avsluttande seminar.

Konsert og formidlingspraksis:
Det er forventa at studenten på eige initiativ arbeider praktisk med innstudering av eigne verk og etydar med ensemble og musikarar ved og/eller utanfor instituttet, der arbeid og resultat blir spelt inn. I tillegg vil studenten bli aktivisert i obligatoriske prosjekt i regi av instituttet. Studenten skal ha medverka som komponist ved ulike konsertframføringar minimum to gonger under studietida av emnet. Dette skal kunne verte dokumentert før framstilling til avsluttande eksamen.

Obligatorisk undervisningsaktivitet

- Delta på følgjande undervisning:

- Individuell rettleiing med hovuddisiplinlærar av minimum tre komposisjonar som
dannar grunnlag for mappevurdering.
- Prosjektveker (jf. eigen semesterplan)
- seminar for mindre gruppeeiningar (t.d. studentar på same studietrinn eller same fordjupingsemne)
- fellesforum
- meisterklassar, seminar, ekskursjon o.l. (jf. eigen semesterplan)

- verkframføring og medverknad i interne og/eller offentlege konsertar

All undervisning er obligatorisk.

Fråvær på meir enn 20% fører til tap av eksamensrett. Det er ein føresetnad at alle obligatoriske arbeidskrav er gjennomført og godkjent før eksamen. Godkjente obligatoriske arbeidskrav er gyldig i to semester etter gjennomføring.

Vurderingsformer

Eksamen vert gjennomført som mappevurdering.
Mappa skal omfatte minimum 3 - tre ulike komposisjonar og øvingar for ulike besetningar, med minimum samla speletid på 20 minutt, avhengig av verkkompleksitet og stil, skrive under studiet, med rettleiing. Partitur skal normalt vere framført før eksamen, og vere dokument av medfølgjande lydfestingar.

Elektroakustisk musikk skal dokumenterast som lydfesting, saman med høveleg dokumentasjon av produksjonsfasen (datautskrifter, programkode, datafiler, video osb.).
I særskilde høve kan studenten få dispensasjon frå kravet om lydfesting.

Ekstern sensur med ein ekstern sensor og til saman minst to sensorar.
Utover sjølve karakterutfallet vil kandidaten i samtale med eksamenskommisjonen få ei grundigare tilbakemelding omkring dei framlagde komposisjonane.

Karakterskala

Bokstavkarakterar frå A til F.

Emneevaluering

Undervisninga blir evaluert i tråd med Universitetet i Bergen sitt
kvalitetssikringssystem.

Kontaktinformasjon

Griegakademiet - Institutt for musikk. E-post: studierettleiar@grieg.uib.no