Undervisninga startar i haustsemesteret og går over to semester.
Emnet skal førebu studentane på gudstenestleg arbeid som tilsette i Den norske kyrkja sine kyrkjelydar. Gjennom studiet skal studentane tileigna seg relevante kunnskapar i liturgikk og hymnologi og praktiske kunnskapar i liturgisk song og salmesong.
Emnet er retta inn mot tenestegjering som kantor/organist i Den norske kyrkja. Dei liturgiske bøkene og ordningane til kyrkja blir lagt til grunn.
Studentar somhar gjennomført emnet
- kjenner til gudstenesteordningane og salmeboka for Den norske kyrkja,
- kjenner liturgien og salmane si historie frå bibelsk tid til i dag,
- har ei forståing av idégrunnlaget for kyrkjemusikken.
Undervisninga omfattar førelesingar, praktiske øvingar og oppgåverettleiing.
1. Liturgikk
Lesepensumet i emnet omfattar følgjande moment:
2. Hymnologi
Lesepensumet omfattar innføring i salme- og koralhistorie med utgangspunkt i dei viktigaste salme- og koralbøkene som har vore i bruk frå reformasjonen til i dag. Eit pensum på femti koralar, frå eldre og nyare tid, skal leggjast opp som eksempelmateriale.
All undervisning er obligatorisk. Fråvær på meir enn 20% fører til tap av eksamensrett. Det er ein føresetnad at alle obligatoriske arbeidskrav er gjennomført og godkjent før eksamen.
Praktisk/munnleg eksamen som omfattar både det teoretiske og liturgisk song og salme¬song. Kandidaten skal kunne resitere ei kollektbøn, delar av messa sitt ordinarium og salmar frå koralpensumet utan notestøtte.
Ekstern sensur med ein ekstern sensor og til saman minst to sensorar. Ein av desse kan vere faglærar.
Bokstavkarakterar frå A til F.
Griegakademiet - Institutt for musikk. E-post: studierettleiar@grieg.uib.no