Bachelor

Undervisninga startar i haustsemesteret og går over to semester.

Liturgisk improvisasjon gjev studentene grunnlag for å gje kyrkjelege handlingar og gudstenester kunstnarleg rike uttrykk, personleg utforming og smidig utføring.

Liturgisk improvisasjon er retta inn mot utøving på orgel i ramma av gudstenester og kyrkjelege handlingar. Faget baserer seg på kunnskapane i emnet MUV2074 Liturgisk teori og praksis, men utvikler desse i improvisatorisk form. Liturgisk improvisasjon inngår som ein naturleg del av kyrkjemusikkstudier.

Studenten i fullført emne
-kan utforma korte og lengre forspill til melodiar brukt i liturgiske tenester i Den norske kyrkja.
-kan på kort tid førebu harmonisering av melodiar brukt i liturgiske tenester i Den norske kyrkja.
-kan gjennomføre det meste i ei liturgisk teneste utan bruk av koralbøker og liturgiske hefte.

Emnet er normalt eit tilbod til studentar som har gjennomført 2. studieår med orgel som hovudinstrument. Søkjarar med anna hovudinstrument kan godkjennast dersom tilstrekkeleg ferdigheit i orgelspel kan dokumenterast ved opptaksprøve.

Bachelorprogram i utøvande musikk eller komposisjon.

Det vert arbeidd med
- å utforme musikk som fungerer som kortare og lengre salmeforspill
- å utforme musikk til pre- og postludium
- melodiutsmykning med assosiasjon til stilar som barokk, romantisk og moderne
- ekstemporalharmonisering

Undervisning vert gjeven i enkelt- eller gruppetimer, avhengig av påmelding og individuelle nivå.

- Delta i gruppeundervisning og øvingsgudstenester.

All undervisning er obligatorisk.

Fråvær på meir enn 20% fører til tap av eksamensrett. Det er ein føresetnad at alle obligatoriske arbeidskrav er gjennomført og godkjent før eksamen. Godkjente obligatoriske arbeidskrav er gyldig i to semester etter gjennomføring.

Eksamen vert gjennomført som ei liturgisk teneste der studenten improviserer en hovuddel av musikken. Tid til førebuing: 24 timar.
Ekstern sensur med ein ekstern sensor og til saman minst to sensorar.

Bokstavkarakterar frå A til F.

Emnet erstatter MUV2075 Liturgisk improvisasjon.

Undervisninga blir evaluert i tråd med Universitetet i Bergen sitt kvalitetssikringssystem.

Griegakademiet - Institutt for musikk. E-post: studierettleiar@grieg.uib.no