Emner: MUV281 Nyere komposisjonsteknikker, for utøvere - Høst 2014
Studiepoeng
10.0Studienivå (studiesyklus)
Bachelor
Undervisningsspråk
Norsk og/eller engelsk
Undervisningssemester
Undervisninga starter i haustsemesteret og går over to semester.
Undervisningsstad
Bergen
Mål og innhald
Emnet vil presentere ulike teknikkar og metodar innanfor kunstmusikkfeltet i det 20. og 21. hundreåret, med vekt på kreativ utnytting av desse i eige arbeid.
Emnet er retta mot utøvarar innanfor klassisk og jazzutøving som ønskjer ei innføring i aktuelle komposisjonsteknikkar og metodar innanfor ein samtidsmusikalsk tradisjon, og med interesse for eigen musikkskaping.
Læringsutbyte
Ved fullført emne vil studenten vere
- kjend med eit utval aktuelle teknikkar og arbeidsformer
- i stand til å bruke desse som metodar for å skape eigne musikalske former og løysingar
Krav til forkunnskapar
Emnet er normalt eit tilbod til studentar som har gjennomført 2. studieår på bachelorprogrammet i utøvande musikk eller komposisjon, eller tilsvarande.
Tilrådde forkunnskapar
Krav til studierett
Bachelorprogram i utøvande musikk eller komposisjon.
Undervisningsformer og omfang av organisert undervisning
Emnet omfattar:- gjennomgang av eit utval sentrale teknikkar og arbeidsformer typiske for ein stilperiode, tidsperiode eller personalstil
- etydar og workshops som på sjølvstendig grunnlag utforskar og vidarefører desse teknikkane i eigen komponering
- Innstudering og framføring av desse løysingane
- Seminar og diskusjonar rundt gjennomførte løysingar
Obligatorisk undervisningsaktivitet
- Førelesningar, seminar, gruppe- og prosjektarbeid
- Komponering av minimum 3 ulike verk på til saman minimum 10 minuttar
- Dokumentert aktiv medverking i innstudering og framføring, som musikar, ensembleleiar el. liknande
- Konsertframføringar av alle komposisjonane (dokumentert gjennom lydfesting)
All undervisning er obligatorisk. Fråvær på meir enn 20% fører til tap av eksamensrett. Det er ein føresetnad at alle obligatoriske arbeidskrav er gjennomført og godkjent før eksamen.
Vurderingsformer
Eksamen blir gjennomført som mappevurdering. Mappa skal innehalde:
- Minimum tre verk/komposisjonar på til saman minimum 10 minuttar. Verka skal følgjast av partitur/anna høveleg notasjon/arbeidsframstilling av komposisjonen, til bruk for innstudering og framføring.
- Lydfesting av framføring av dei innleverte komposisjonane
- Ein kort skriftleg refleksjon/utgreiing for kvart verk
Mappedelane vert vekta likt.
Intern sensur med minst to sensorar.
Karakterskala
Greidd/Ikkje greidd
Fagleg overlapp
Litteraturliste
Emneevaluering
Evaluering blir gjennomført i tråd med Universitetet i Bergen sitt kvalitetssikringssystem.
Institutt
Griegakademiet - Institutt for musikk. E-post: studierettleiar@grieg.uib.no