Emnet har som mål å gi studenten auka musikkhistorisk og musikkhistoriografisk innsikt og stimulere til kritisk refleksjon kring musikkhistoriefaget. Emnet skal gi studenten anledning til å fordjupe seg i eit sjølvvalt musikkhistorisk tema.

Førelesningar gir innføringar i utvalde musikkhistoriske tema, historiografiske problemstillingar, kjeldesøk og arbeid med kjelder.

Lytteseminarer skal stimulere til kritisk lytting og vurdering av ulike parametere ved musikalske framføringar og deira forhold til ulike forståingar av musikkhistoria.

Arbeid med sjølvvalt tema skal gi studenten evne til å tileigne seg og kritisk vurdere nyansert kunnskap om eit musikkhistorisk tema.

Gjennom skriftlege og munnlege presentasjonar skal studenten utvikle evna til å kommunisere tileigna kunnskap.

• kan gi ei nyansert skriftleg og munnleg innføring i eit musikkhistorisk tema
• kan gjere greie for sentrale musikkhistoriografiske problemstillingar og relatere desse til sjølvvalt fordjupingsemne
• viser god evne til kjeldesøk, bruker kjelder bevisst
• beherskar grunnleggjande referanseteknikkar

Studenten må

• delta på førelesningar. Fråvær på meir enn 20% fører til tap av eksamensrett.
• sette saman individuelt lyttepensum og skriftleg pensum. Pensumliste skal leverast til godkjenning i løpet av første semester.
• gi ein munnleg presentasjon av eit sjølvvalt eller oppgitt tema.
• levere to utkast til semesteroppgåva.
• rettleiing

Det er ein føresetnad at alle obligatoriske arbeidskrav er gjennomført og godkjent før eksamen.