Emnet skal førebu studenten på eit yrkesliv som improviserande musikar ved å utvikle:
- gehørspel/improvisasjon
- stilistisk differensiert interpretasjonsevne
- teknisk og musikalsk ferdigheit
- eit breitt repertoar
- personleg uttrykk og formidlingsevne
Emnet er sett saman av følgjande:
- eigenferdigheit
- innstuderings- og øvingsteknikk
- instrumentkjennskap/stemmefysiologi
- interpretasjons- og repertoarkunnskap
- ensemblespel
Eigenferdigheit tek m.a. opp improvisasjonskunnskap, spele-/vokalteknikkar, skalaer og etydar og primavistaspel/-song.
Innstuderings- og øvingsteknikk tek opp metodar for å oppnå effektivitet i øvinga og unngå belastningsskadar.
Interpretasjons- og repertoarkunnskap tek, gjennom vurdering og utprøving, opp ulike
tolkingsmåtar knytt til jazz som musikalsk uttrykk.
Ensemblespel skal gje studenten erfaring med relevante ensemble av ulik storleik
Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:
Kunnskapar
Studenten
* viser meget god musikalsk stilforståing knyta til eit bredt repertoar fra jazzsjangeren og har inngåande kjennskap til sitt eige instruments bruk innanfor dette repertoaret.
* har meget gode kunnskaper omkring sitt eige instruments konstruksjon og virkemåte.
* har inngåande kunnskapar omkring eigne tekniske og musikalske styrkar og svakheiter.
Ferdigheiter
Studenten
* har meget gode improvisatoriske ferdigheiter i forhold til sitt eige instrument og i forhold til sjangerens mest sentrale komposisjonar og formtypar.
* har utvikla ein sunn og god instrumental/vokal teknikk som er på eit profesjonelt nivå og meistrar framføring av meir krevjande repertoar.
* har utvikla meget gode ferdigheiter i samspelsituasjoner der ein blir utsett for ulike ensembletyper, ulikt repertoar og ulik bruk av instrumentet.
Generell kompetanse
Studenten
* viser ei tydeleg kunstnerisk uttrykksevne og kreativitet i møte med sitt eige instrument innanfor jazzsjangeren.
* har inngående kunnskap om arbeidsteknikkar og førebuing og veit kva som er gode arbeidsstillingar i øvings- og konsertsituasjonar.
* innehar meget gode instrumentale/vokale ferdigheiter som gjer ein istand til å realisera sine musikalske intensjonar i møte med ulikt repertoar i ulike formidlingssituasjonar.
Emnet fylgjer undervisningsplanen for instituttet. Undervisninga vert gitt i form av individuell rettleiing, instrumentvis rettleiing (fellestimar), felles seminar/meisterklasser og ulike ensembleaktivitetar.
Hovudinstrumentlærar har eit særskild ansvar for å tilrettelegge ein individuell arbeidsplan og sjå til at krava i studieplanen vert følgt.
- Delta på følgjande undervisning:
- minimum tre framføringar av solistisk og kollektiv karakter på interne og/eller offentlege konsertar, til saman min. 90 minutt.
Repertoarkrav:
- minst 120 minutt repertoar/20 komposisjonar (inkl. 60 minutt frå MUV292 Hovudinstrument jazz 3) av ulik karakter, 10 av desse kan vere ei bestemt fordjupning/stilspesialisering.
Repertoaret skal verte dokumentert i eksamenssemesteret og leverast på eige skjema innan 15. april (ev. 15. oktober), godkjent av hovudinstrumentlærar.
Studenten gjer framlegg om eit eksamensprogram, som skal godkjennast av hovudinstrumentlærar innan 15. april (ev. 15. oktober). Eksamensrepertoaret skal i val av låtar og musikalsk innhald representere ei tydeleg utvikling frå MUV292 Hovudinstrument jazz 3.
All undervisning er obligatorisk. Fråvær på meir enn 20% fører til tap av eksamensrett. Prosjektveker krev 100% oppmøte i tråd med praksis i yrkesfeltet. Det er ein føresetnad at alle obligatoriske arbeidskrav er gjennomført og godkjent før eksamen.
Det vert halde eksamen etter andre semester. Eksamen omfattar ei konsertframføring med min. seks komposisjonar frå eige repertoar, til saman på 40-45 minutt.
Ekstern sensur med ein ekstern sensor og til saman minst to sensorar. Ein av desse kan vere studenten sin hovudinstrumentlærar.