Undervisninga startar i haustsemesteret og går over to semester.
Undervisningsstad
Bergen
Mål og innhald
Studenten skal utvikle evna til kritisk refleksjon omkring eigen kunstnarisk praksis, med vekt på formidling og presentasjonsformer. På førelesningane vil ein gå gjennom ulike presentasjonsformer og tilnærmingar til formidling av musikk. Studentane skal vurdere disse og sin eigen praksis i høve til dei. Emnet inkluderer eit obligatorisk konsertbesøk, der studenten skal vurdere presentasjonsforma (plakatar, annonser, førehandsomtale, konsertprogram eller munnleg presentasjon). Studenten skal få rettleiing i utarbeiding av programtekstar og munnlege programinnføringar.
Læringsutbyte
Studenten skal kunne vere i stand til å gi både skriftlege og munnlege presentasjonar av eigne og andre sine program.
Krav til forkunnskapar
Gjennomført 3. studieår på bachelorprogrammet i utøvande musikk eller komposisjon, eller tilsvarande.
Tilrådde forkunnskapar
Krav til studierett
Bachelorprogram i utøvande musikk eller komposisjon
Undervisningsformer og omfang av organisert undervisning
Undervisninga består av førelesningar, arbeid med pensum, kritisk refleksjon omkring presentasjonar og individuell rettleiing i presentasjon (munnleg og skriftleg) av eigne program.
Obligatorisk undervisningsaktivitet
- Obligatoriske førelesningar. Fråvær på meir enn 20 % fører til tap av eksamensrett.
- Eitt obligatorisk konsertbesøk
- Ein obligatorisk munnleg presentasjon på omkring 10 minuttar.
- Ein obligatorisk skriftleg presentasjon på 600-1000 ord.
Vurderingsformer
Studenten må oppfylle dei obligatoriske arbeidskrava.
Karakterskala
Greidd/ikkje greidd
Fagleg overlapp
Litteraturliste
Emnet har eit felles lesepensum på ca 100 sider, samt eit individuelt pensum på omlag 100 sider. Lesepensum vil i hovudsak bestå av artiklar, programtekstar, programomtalar, førehandsomtalar og kritikkar.
Emneevaluering
Evaluering blir gjennomført i tråd med UiB sitt kvalitetssikringssystem. Evalueringa skjer mot slutten av vårsemesteret.
Institutt
Griegakademiet ¿ Institutt for musikk. E-post: studierettleiar@grieg.uib.no