Emner: NEU201 Nevroestetikk - Høst 2014
Studienivå (studiesyklus)
Bachelor
Undervisningsspråk
Norsk. Dersom det melder seg minimum 5 utanlandske studentar kan undervisninga bli gitt på engelsk.
Undervisningssemester
Vår/haust, men ikkje fast
Undervisningsstad
Bergen
Mål og innhald
Nevroestetikk er ein relativt ny disiplin, og ligg i skjeringspunktet mellom kognitiv psykologi, nevrobiologi og kunst. I nevroestetikk nyttar ein modellar primært frå kognitiv psykologi i studiar av korleis hjernen reagerer på estetiske stimuli.
Emnet vil gi grundig innsikt i metodar i nevroestetikk, illustrert gjennom eit utval av særleg sentrale og nyare vitskaplege arbeid innan dette feltet. Grunnleggjande syns-fysiologi i persepsjon av form og farge står også sentralt i emnet.
Læringsutbyte
Etter fullført emne skal studentane- Ha grunnleggjande kunnskapar om korleis estetiske stimuli aktiverer særskilde strukturar i hjernen og korleis kognitive og affektive faktorar interagerer i estetisk persepsjon.
- Vere i stand til å forstå val av metode og eksperimentoppsett (paradigme) ut frå sentrale spørsmål som vert reist i den einskilde studien.
- Ha innsikt i teoriar omkring estetikk i eit evolusjonistisk perspektiv.
Krav til forkunnskapar
Ingen
Tilrådde forkunnskapar
Det er god hjelp, men ingen føresetnad, å ha grunnleggjande kunnskapar i psykologi og/eller biologi frå universitetet, slik som PSYK100 og BIO111/BIO114 (UiB). Elles vil det vera tilrådeleg med grunnleggjande kunnskapar i kunsthistorie.
Krav til studierett
Emnet er ope for alle med studierett ved Universitetet i Bergen. Denne eksamenen er og open for personar utan studierett, etter søknad til Det humanistiske fakultet.
Undervisningsformer og omfang av organisert undervisning
Førelesingar over normalt 12-14 dobbelttimar.
Om det melder seg færre enn fem studentar til eit emne, kan instituttet innføre redusert undervisning, jamfør instituttets retningslinjer for dette på Mi Side. På emne der dette kan vere aktuelt vil studentane får informasjon om det ved semesterstart, og før fristen for semesterregistrering 1. februar / 1. september.
Obligatorisk undervisningsaktivitet
Ingen
Vurderingsformer
7 dagars heimeeksamen. Omfanget på oppgåva skal vere mellom 3500-4000 ord.
Karakterskala
Karakterskala A til F
Fagleg overlapp
Ingen
Vurderingssemester
Litteraturliste
Pensum er på 500 sider
Emneevaluering
Evaluering blir gjennomført i tråd med UiB sitt kvalitetssikringssystem.
Institutt
Institutt for lingvistiske, litterære og estetiske studium.
E-post: studierettleiar@lle.uib.no