Emnet gir ei detaljert innføring i dei energigivande næringsstoffa sin fordøying, absorpsjon, transport, lagring og ekskresjon med vekt på næringsemna sin funksjon og biokjemi.

Emnet skal i tillegg gi ei detaljert forståing av korleis dei ulike mikronæringsstoffa, og i samspill med makronæringsstoffa, påverkar utvikling, vekst og helse hos menneske.

Vidare blir kosthaldet sin innverknad på normal utvikling og helse vektlagt; nokre av dei mest aktuelle kosthaldsrelaterte helseproblem og korleis desse har samanheng med levekår og livsstil. Det blir fokusert på kjelder til og behov for dei ulike næringsstoffa, næringsstofftilrådingar og korleis slike tilrådingar skal tolkast.

Kunnskaper:

Etter fullført emne skal studenten være i stand til å:

• forklare kva funksjon makro- og mikronæringsstoffa har hos menneske
• beskrive fordøying, absorpsjon, omsetning og molekylærbiologisk funksjon av næringsstoffa
• gjere greie for mekanismane for regulering av dei ulike næringsstoffa og kva forstyrringar i næringsstoffbalansen kan ha for sjukdommar (som til dømes diabetes mellitus og jernmangelanemi)

Ferdigheter:

Etter fullført emne skal studenten kunne:

• beherske fagterminologi innenfor næringsstoffa sin biokjemi
• tolke vitenskapelege tekstar som til dømes artiklar innanfor ernæring
• vise innsikt i korleis næringsstoffa tas opp i kroppen, korleis de blir omsatt, kva for biokjemiske mekanismar dei inngår i og kvifor for mykje eller for lite av næringsstoffa kan gje sjukdom

Kompetanse:

Etter fullført emne skal studenten kunne:

• anvende kunnskapen om næringsstoffa sine grunnleggande biokjemi innanfor andre område i ernæringsfaget