Emnet er ein grunnleggjande innføring i pedagogisk filosofi og idéhistorie, der omgrepa kunnskap, danning og medborgarskap utgjer sentrale kategoriar. Studentane sitt arbeid med dette emnet skal utvikle deira forståing for korleis ein kan diskutere pedagogisk-filosofiske spørsmål i pedagogikk. Arbeidsmåten utgjer ein vesentleg del av studiet sitt innhald.

Eit mål er å gje studentane innsikt i korleis pedagogisk filosofi og idéhistorie kan bidra til å problematisere ulike grunngjevnader for pedagogisk praksis. Eit anna mål er å gjera studentane i stand til å drøfte spørsmål knytte til pedagogiske fenomen som undervisning, læring, kunnskap, oppdraging, danning og medborgarskap. Eit tredje mål er å tilby studentane eit grunnlag for å forstå forholdet mellom pedagogikkfaget sine praktiske og teoretiske dimensjonar ved at det blir lagt særleg vekt på dei kunnskapsteoretiske sidene ved pedagogisk praksis.

Etter fullført emne skal studenten:

Kunnskapar:

• ha tileigna seg kunnskap om og forståing for sentrale pedagogisk-filosofiske perspektiv og arbeidsmåtar
• ha kunnskap om fagområdets eigenart og forhold til pedagogikkfaget generelt

Ferdigheiter

• kunne anvende eit pedagogisk-filosofisk kunnskapsgrunnlag i drøfting av utdanning, danning, kunnskap, læring og medborgarskap
• kunne reflektere over pedagogikkfaget, både i sin teoretiske og praktiske dimensjon

Generell kompetanse:

• kunne diskutere grunnar og føresetnader for pedagogisk praksis
• kunne kommunisere pedagogisk-filosofisk fagstoff både munnleg og skriftleg

Undervisninga vil kombinere introduksjonsførelesingar med litteraturstudiar, seminar, gruppediskusjonar og oppgåveskriving.

Obligatorisk innlevering av seminaroppgåver gjennom semesteret.

Eksamen består av to komponentar: Eit fagleg essay og ein 4 timars skriftleg eksamen. Komponentane vektast likt.

Det blir gitt ein samla gradert karakter(A-F).

Litteraturen tek sikte på å dekka tema som:

• kunnskap, danning og medborgarskap
• pedagogisk-filosofiske perspektiv og arbeidsmåtar
• utdanning og danning
• pedagogikkfaget si sjølvforståing

Studentane skal evaluere undervisninga i tråd med UiB sitt kvalitetssikringssystem. Evalueringa er nettbasert.

For meir informasjon, ta kontakt med Informasjonssenteret ved Det psykologiske fakultet på tlf.: 55 58 27 10 eller e-post: studierettleiar.psyfa@uib.no