Emner: PED112 Pedagogiske perspektiv på læring - Vår 2014
Studiepoeng
15.0Studienivå (studiesyklus)
Bachelor.
Undervisningsspråk
Norsk.
Undervisningssemester
Vår.
Undervisningsstad
Bergen.
Mål og innhald
Emnet gjev ei grunnleggjande innføring i læring og læringsteori sett i eit pedagogisk perspektiv. Spørsmål omkring kunnskapsoverføring og kunnskapsutvikling blir tematisert og problematisert frå ulike teoretiske vinklar. Det blir lagt særleg vekt på å sjå læring i eit sosialt og kulturelt perspektiv. Emnet drøftar også historiske og kulturelle variasjonar i synet på sosialisering og oppdragelse. Læring blir også relatert til verktøy som me nyttar oss av når me lærer, primært skriving.
Læringsutbyte
Etter fullført emne skal studenten:
Kunnskapar:
- vise kunnskap om sentrale læringsteoriar og deira relevans for pedagogikk
- ha forståing for læringsprosessar sin relasjon til sosiale og kulturelle forhold
- ha kjennskap til historiske og kulturelle variasjonar i syn på sosialisering og oppdragelse
- ha innsikt i skriveprosessen si betydning som verktøy for læring
Ferdigheiter
- kunne bruke ulike teoretiske tilnærmingar for å forstå konkrete læringssituasjonar
- utvikle og vidareutvikle faglege tekstar i lys av tilbakemelding
- meistre relevante verktøy knytta til bruk av forskingslitteratur i eigne skriftlege arbeid
Generell kompetanse:
- kunne gje og ta imot konstruktiv tilbakemelding på skriftlege tekstar
- reflektere over eigen skrive- og læringsprosess
- kunne planlegge og gjennomføre arbeidsoppgåver over tid
Krav til forkunnskapar
Ingen.
Krav til studierett
Emnet er ope for alle med studierett ved UiB.
Undervisningsformer og omfang av organisert undervisning
Undervisninga er lagt opp som ein kombinasjon av forelesingar, seminar og litteraturstudium. Deler av skrive- og læringsaktiviteten vil skje i form av datastøtta samarbeidslæring. Det blir lagt opp til aktiv deltaking og kunnskapsdeling mellom studentar og lærarar.
Obligatorisk undervisningsaktivitet
Ingen.
Vurderingsformer
Vurderingsforma i emnet er mappevurdering.
Karakterskala
Ved sensur av emnet nyttast karakterskalaen A-F.
Vurderingssemester
Vår.
Litteraturliste
Litteraturen tar sikte på å dekke tema som:
- læringsteori
- skriving og respons som verktøy for læring
Emneevaluering
Studentane skal evaluere undervisninga i tråd med Det psykologiske fakultet sin prosedyre for undervisningsevaluering. Evalueringa er nettbasert.
Kontaktinformasjon
For meir informasjon, ta kontakt med Informasjonssenteret ved Det psykologiske fakultet på tlf.: 55 58 27 10 eller e-post: studierettleiar.psyfa@uib.no
Institutt
Institutt for pedagogikk.