Emner: PEDA101 Praktisk pedagogikk - pedagogikk 1. semester - Vår 2014
Studiepoeng
15.0Undervisningsspråk
Norsk
Undervisningssemester
Haust
Undervisningsstad
Universitetet i Bergen
Mål og innhald
Emnet skal gje innsikt i korleis styringsdokument har vorte prega av ulike ideologiar og paradigme innan utdanningsfeltet. Blant anna vil det verta fokusert på forholdet mellom utdanninga si danningsfunksjon og nyttefunksjon. Vidare skal emnet gje innsikt i korleis kunnskap om undervisning og læring blir utvikla og anvendt. Emnet vil også gje kunnskap om eleven si utvikling, tilpassa opplæring, vurdering, digital kompetanse, læringsmiljø og klasseleiing.
Følgjande tema vil bli vektlagt:
- Skulen sitt mandat i lys av ulike ideologiar og paradigme
- Skulen sitt danningsoppdrag
- Læringsfellesskap og klasseleiing
- Læring og vurdering i lys av tilpassa opplæring
- Den digitale dimensjonen
Læringsutbyte
Kandidaten har etter fullført PEDA101 følgjande samla læringsutbyte definert som kunnskap, ferdigheiter og generell kompetanse:
Kunnskap
Kandidaten
har kunnskap om skulen sitt mandat og funksjon i samfunnet og er oppdatert på gjeldande lov- og planverk
- har brei kunnskap om sentrale lærings- og utviklingsteoretiske perspektiv og har utvikla eit kritisk forhold til desse
- har kunnskap om samanhengar mellom undervisning, klasseleiing, læringsmiljø og eit inkluderande læringsfellesskap
- har kunnskap om ulike former for vurdering i skulen
- har kunnskap om bruk av IKT og utfordringar og moglegheiter knytt til dette
Ferdigheiter
Kandidaten
kan identifisere og analysere problemstillingar knytt til skulen sitt danningsoppdrag
- kan foreslå og grunngje planar for eit godt klasse- og læringsmiljø i lys av teori
- kan identifisere og analysere problemstillingar knytt til tilpassa opplæring
- Kan anvende forskings- og erfaringsbasert kunnskap til å identifisere ulike aspekt ved vurdering
- kan reflektere over digital kompetanse og IKT i lys av læreplanen sine overordna føringar på dette området
-
Generell kompetanse
Kandidaten
innehar ein profesjonell haldning og kan kritisk reflektere over faglege, danningsteoretiske og utdanningspolitiske spørsmål
- kan formidle og kommunisere pedagogiske problemstillingar knytt til utøving av læraryrket på eit fagleg avansert nivå
- kan bygge relasjonar til elevar og føresete og kan samarbeide med aktørar som er relevante for skuleverket
Krav til studierett
Teken opp på Praktisk pedagogisk utdanning (PPU) ved Universitetet i Bergen
Undervisningsformer og omfang av organisert undervisning
Undervisninga blir organisert i førelesningar og seminar. I tillegg har studenten 7 veker praksis. Studenten har tilbod om inntil 3 timar individuell rettleiing.
Omfang:
Timar/veka: 4-6
Tal veker: 7
Totalt tal timar: 54 (14 t. førelesning og 40 t. seminar)
Obligatorisk undervisningsaktivitet
For å kunne gå opp til eksamen må studenten:
- Delta på innføringskurset og seminar (minimum 80 % oppmøte).
- Skrive og vidareutvikle ein tekst (omfang ca. 1500 ord) med ein tydeleg problemstilling som skal veljast innan eit av dei fem tema. Teksten skal publiserast på den digitale læringsplattformen innan ein gjeven frist.
- Halde ein munnleg presentasjon (omfang ca. 15 minuttar) med utgangspunkt i den innleverte teksten. Problemstillinga utviklast i lys av teori og erfaringar frå praksis.
- Gje tilbakemelding på den munnlege presentasjonen til to medstudentar.
- Gjennomføre og bestå 7 veker praksis.
Vurderingsformer
Munnleg eksamen
Obligatoriske arbeidskrav inngår ikkje for karakteren
Karakterskala
Munnleg eksamen blir vurdert med graderte karakterar frå A-F.
Litteraturliste
Pensum er på 750 sider, av desse er 600 sider obligatorisk lesing og 150 sider er valfritt stoff. Det er tilbod om eit kompendium på delar av pensum. Ein ventar at studentane skal gjere seg kjend med ulike søkeportalar, og sjølv finn frem til pensumartiklane som ligger på internett.
Emneevaluering
Emnet vert evaluert i tråd med UiB sitt kvalitetssikringssystem. Dette inneber evaluering ved hjelp av standardisert spørjeskjema til studentar og emneansvarleg si rapportering av denne evalueringa i Studiekvalitetsbasen.
Kontaktinformasjon
For meir informasjon, ver vennleg å ta kontakt med studierettleiar/informasjonssenter:
studierettleiar.psyfa@uib.no Tlf. 55 58 27 10
Institutt
Institutt for pedagogikk