Målet for emnet er å dyktiggjere studentane til aktiv deltaking i profesjonell utvikling. Målet blir operasjonalisert gjennom bruk av praksisorientert forsking som verktøy. Med dette blir studenten blir kjent med læraren sin profesjonelle utviklingsprosess og kan arbeida systematisk vidare med eiga yrkesutvikling.

Emnet inneheld følgjande tema: Profesjonell utvikling, aksjonsforsking, ulike kunnskapsformer og kunnskapsproduksjon i vitskap og profesjonsutøving, kritisk tenking.

• Aksjonsforsking og kvalitative/kvantitative metodar

• Vitskapelege tenkjemåtar

Kunnskapar:

Studenten

• har kunnskap om profesjonell utvikling i rolla som lærar
• har kunnskap om forskingsbaserte modellar for profesjonell utvikling
• har kunnskap om undersøkande og utforskande arbeidsmåtar inkludert bruk av praktisk arbeid og konkretisering
• har kunnskap om kritisk tenking

Ferdigheiter:

Studenten

• kan dokumentere og gje uttrykk for si eiga profesjonelle utvikling og kunne leggje fram og grunngje utviklingsmål med støtte i teori
• kan identifisere pedagogiske og didaktiske utfordringar i undervisninsgsituasjonar og lage aksjonsplanar for å møte desse med støtte i teori
• kan ta i bruk kritisk tenking i si eiga profesjonsutvikling

Generell kompetanse

Studenten

• kan med stor grad av sjølvstende identifisere, problematisere, vidareutvikle og kommunisere kunnskap om profesjonell utvikling
• kan orientere seg i faglitteratur, analysere og halde seg kritisk til informasjonskjelder og eksisterande teorier
• kan med stor grad av sjølvstende vidareutvikle eigen kompetanse åleine og i samarbeid med andre

Undervisninga er lagt opp etter ein integrert modell med samarbeid mellom pedagogikk og didaktikk i undervisning, oppgåver, rettleiing, praksis og eksamen. Undervisninga blir organisert som ei blanding av nettbaserte studier og tre samlingar. Samlingane føregår på kveldstid og helg (fredag og laurdag). I samlingane møter studentane førelesingar og seminarundervisning i mindre grupper. Studentane har tilbod om til saman 4 timar individuell rettleiing av didaktikar og pedagog.

Emnet har 20 dagar praksis som skal gjennomførast i løpet av 8 veker:

• Praksis foregår i ungdomsskule i grupper, par eller individuelt
• Praksis skal fortrinnvis gjennomførast i matematikk og naturfag, men andre realfag kan også vere aktuelle
• Praksis skal innehalde ein observasjonsdel i fyrste del av perioden (ei veke). I resten av perioden skal studentane få eit gradvis auka ansvar. Dette inneber å gjennomføre undervisningsøkter i par eller individuelt
• Ein praksisdag er definert som 6 skuletimar (á 45 minutter). Dette inkluderer forarbeid, undervisning/observasjon og rettleiing, samt møteaktivitetar ved skulen
• Praksis er tilpassa og fleksibel slik at skule og student i fellesskap blir einige om når praksis blir gjennomført innafor den gitte praksisperioden

• Obligatorisk frammøte (100%) og deltaking på samlingar og i praksis
• Gjennomføring av obligatoriske oppgåver med to innleveringer av bearbeida utkast til aksjonsforskingsrapport der første utkast skal vere ei prosjektbeskriving på 500-1000 ord
• To munnlege presentasjonar av eige prosjektarbeid undervegs basert på ein poster
• Deltaking i responsgrupper med munnlege fagfellevurderingar på samlingar

I emnet nyttar ein følgjande vurderingsformer:

Skriftleg aksjonsforskingsrapport på 4000 ord +/- 10%