Mål:

Studentane blir gjort kjent med sentrale tilnærmingar til psykologisk behandling (psykoterapi) for ulike aldersgrupper, inkludert teoretisk grunnlag, empiri og metodikk. Emnet bygger primært på tidlegare undervisning i personlegdomspsykologi, psykologisk kartlegging, psykopatologi og behandling. Emnet har som mål å styrke ein forståing for idégrunnlag, nøkkelomgrep, teori om psykopatologi og endring, samt intervensjonsmetodar innan dei ulike behandlingstilnærmingane.

Innhald:

Emnet fokuserer på sentrale psykologiske tilnærmingar, som for eksempel kognitiv atferdsterapi, dynamisk psykoterapi, opplevingsorienterte og mindfulnessbaserte terapiformer og terapiintegrasjon. Det vil også vere fokus på viktigheita av relasjonelle ferdigheiter og terapeutholdningar som respekt, empati og fleksibilitet som et grunnlag for bruk av ulike terapeutiske intervensjonar.

Om innhald:

Kognitiv atferdsterapi: Undervisninga fokuserer på korleis ein kan arbeide kognitiv-atferdsterapeutisk med ulike typar av psykiske lidingar. Grunnprinsipp innan den kognitive tilnærminga blir gjennomgådd og studentane blir introdusert for eksemplar på ulike tilstandsbiletar og gjennomfører ferdigheitsøvingar knytt til sentrale intervensjonar.

Dynamisk psykoterapi: Undervisninga gir ein oversikt over hovudlinene i dynamisk psykoterapi. Sentrale intervensjonar og framgangsmåte vil illustreras gjennom videoeksemplar frå reelle terapeutiske forløp innan korttids psykodynamisk terapi.

Opplevingsorienterte og mindfulness-baserte terapiformer: Undervisninga gir ei forståing av det teoretiske grunnlaget for opplevingsorienterte og mindfulness-baserte terapiformer. Studentane vil gjennom videoeksemplar og praktiske øvingar bli gjort kjent med sentrale forståingsmåter og intervensjonar. Målet er å få ei forståing for korleis desse tilnærmingane kan nyttast overfor ulike typar av psykiske problem og eksistensielle utfordringar.

Terapiintegrasjon: Undervisninga gir ei innføring i det integrative perspektivet innanfor psykoterapifeltet. Kurset vil også gi en praktisk innføring i korleis teoretiske og tekniske element frå ulike terapitilnærmingar kan integreras i arbeid med kliniske problemområder.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten kan drøfte og forstå ..

• idegrunnlag og sentrale begreper
• kva som tenkas å utløe og oppretthalde psykiske vanskar
• rasjonale for behandling av psykiske vanskar
• sentrale terapeutiske intervensjonar
• empirigrunnlag
• indikasjonar og kontraindikasjonar for behandling

Ferdigheiter:

Studenten kan...

• formidle behandlingsrasjonale
• etablere eit behandlingsfokus
• utføre utvalgte sentrale intervensjonar

Generell kompetanse:

Studenten..

• Kan reflektere over etiske implikasjonar ved arbeid etter de respektive terapitilnærmingane
• Er bevisst på betydinga av å lytte til og vise empati, respekt og ekthet overfor pasientar, pårørande og helsepersonell og deira situasjon og problem
• Forstår viktigheita av å vere fleksibel når det oppstår behov for justering av behandlingsplanen underveis i behandlingsforløpet
• Forstår kva premiss han eller ho legg til grunn når han/ho føretar handlingsval og gjer vurderingar i sitt virke som psykolog

Litteraturlista vil vere klar innan 01.06. for haustsemesteret og 01.12. for vårsemesteret.