Forskningsmetodekurset er satt saman av 3 delar: kvantitativ metode, kvalitativ metode og dataanalyse/øvingar (der ein kan velje mellom øving i statistiske analyser og øving i kvalitative analyser). Emnet skal gje studentane kunnskap om sentral vitskapeleg design, forsknings, måle- og analysemetodikk. Studentane får ei grunnleggande innføring i kva som karakteriserer kunnskapsprosessar knytt til vitskap og forskning. Dei skal få kjennskap til sentrale vitskapstradisjonar, kunne gjere greie for kva premiss dei bygger på, og drøfte kriterium som kan nyttast for å vurdere forskning innanfor dei ulike tradisjonane. Emnet skal vidare gje studentane kunnskap om kva som karakteriserer kvantitative og kvalitative forskningsdesign. Studentane skal også kunne drøfte etiske problem og dilemma som er knytt til vitskapeleg arbeid.

Innanfor kvantitative metodar skal emnet gje studentane kunnskap i sentral parametrisk og ikkje-parametrisk statistikk. Innanfor kvalitative metodar skal studentane ha skaffa seg eit generelt oversyn over dei mest nytta kvalitative forskningsdesigna, og gjere seg kjent med korleis utføre litteraturreview, datainnsamling og analyse på ein systematisk og stringent måte. Studentane som vel statistike analysar får trening i organiseringa av eit statistikkprogram, praktiske ferdigheiter ved bruk av statistikkprogram, og kompetanse til å utføre ulike typar statistike analysar ved hjelp av slike program. Studentane som vel kvalitative analysar får trening i å nytte relevant programvare for å organisere og analysere kvalitativt forskingsmateriale.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Ved fullført emne kan studenten:

• gjere greie for ulike typar kvantitative forskingsdesign
• gjere greie for mål på sentraltendens, variasjon og samvariasjon
• gjere greie for mål på reliabilitet og validitet
• gjere greie for sannsynsomgrepet og relatere dette til signifikantstesting, og gjere greie for H0, H1, type I og type II feil
• gjere greie for ulike metodar for å samanlikne grupper
• gjere greie for ulike metodar for å undersøke samanhengen mellom variabler
• gjere greie for hovudtrekka ved faktoranalyse og datareduksjon
• gjere greie for ulike typar kvalitative forskingsdesign
• vise kunnskap om kvalitativ metode sin vitskapsteoretiske forankring
• gjere greie for kva som kjenneteiknar kvalitative metodar (som til dømes feltmetodikk, observasjon, intervju og tekstanalyse) og kva bruksområde metodane passer til
• gjere greie for sterke og svake sider ved ulike kvantitative og kvalitative metodetilnærmingar og design

Ferdigheiter

Ved fullført emne kan studenten:

• sette opp eit forskingsdesign ut frå relevante forskingsspørsmål
• foreslå relevante analysar som kan svare på forskingsspørsmål
• gjennomføre relevante analysar med standard programvare innan eit av houvdområdane for dataanalyse (kvalitativ/kvantitativ)
• tolke resultat frå dataanalyser i samanheng med forskingsspørsmål
• identifisere og vurdere dei mest vanlege truslane mot reliabilitet og validitet i kvalitativ og kvantitativ forsking

Generell komptanse

Ved fullført emne kan studenten:

• vere medviten på korleis det vitskapelege grunnlaget for valt metode har implikasjonar for eit heilskapleg forskingsdesign
• vere medviten på etiske dilemma ved kvantitativ og kvalitativ metodebruk
• vere medviten på avgrensingar ved kvantitative og kvalitative forskingsdesign, og korleis dei kan integrerast (Mixed Methods)

• Bachelorprogrammet i arbeids- og organisasjonspsykologi
• Bachelorprogrammet i generell psykologi
• Bachelorprogrammet i pedagogikk
• Bachelor i spesialpedagogikk

• Førelesingar i kvantitativ metode, totalt 12 timar.
• Førelesingar i kvalitativ metode, totalt 12 timar.
• Dataøvingar i statistikk i grupper eller øvingar i kvalitative analysar, totalt 12 timar

• Obligatorisk gjennomføring av to fleirvalsprøvar kor 2/3 av svara skal vere rett for å få bestått.
• Obligatorisk innlevering av ei oppgåve innan anten kvalitativ analyse eller kvantitativ analyse. Som hovudregel skal oppgåva skrivast i grupper på to og to. Vert godkjent av faglærar.
• Obligatoriske krav må vere godkjent før ein kan ta eksamen i emnet. Dei obligatoriske aktivitetane er gyldige i tre semester (det semesteret ein gjennomfører aktivitetane og dei to påfølgjande semstera).

• 4 timar skuleeksamen der ein skal svare på både ei kvalitativ og ei kvantitativ oppgåve.

• PSYK202 B = 15 studiepoeng i reduksjon
• PSYK202 A = 10 studiepoeng i reduksjon.
• PSYK202 C = 5 studiepoeng i reduksjon.