I samråd med rettleiar skal studenten utforme ein problemstilling og sette seg inn i teoriar og tidligare arbeid med relevans for temaet og/eller området.

Studenten skal vidare gjennomføre eit eige arbeid av praktisk og/eller teoretisk art knytt opp mot problemstilling, og etter praktisk/teoretisk behandling skal dette etter maksimum to år (for heile masterprogrammet) munne ut i ei masteroppgåve.

Kunnskapar

Studenten skal vise god kunnskap om tilnærmingar og teoriar knytte til tema Region og regionalisering. Dei skal òg ha innsikt i aktuelle forskingstema knytt til regional utvikling.

Ferdigheiter

Studenten skal kunne forstå og analysere strukturar og prosessar som påverkar regionar og regional utvikling, og ha forståing av samspelet mellom globale og lokale forhold.

Generell kompetanse

Studenten har opparbeidd evne til å problematisere og analysere omgrep, teori, metode og forskingsetikk og har fått ein kompetanse i skriftleg og munnleg fagleg diskusjon.

Obligatorisk frammøte til 70 % av masterseminara i semesteret. Studenten skal ta i mot rettleiing kvart semester under arbeidet med masteroppgåva. Ein rettleiingskontrakt som gjer nærare greie for rettar og plikter, skal skrivast under av student, rettleiar og fagkoordinator.

Deltaking på 2-dagars forskingsetisk seminar arrangert av Forskingsetisk utval ved AHKR.