Studenten skal gjennom studiet tileigna seg utdjupa kunnskapar om religionar og religiøsitet sett frå kognitive og evolusjonsteoretiske perspektiv. Studentane skal utvikle kjennskap til sentrale metodar samt viktige teoriar om:

- kvifor menneske trur på gudar

- religion som evolusjonær tilpassing eller bi-produkt

- kognitive aspekt i ritual

- sammanhengen mellom religion og minne

- antropomorfisering i religion

- dødsførestellingar

Ved fullført studium har studenten oppnådd følgjande:

Kunnskapar

- kunne gjere greie for viktige teoretiske tilnærmingar og modellar i studiet av religion

- kjennskap til sentrale omgrep, perspektiv og metodar i det kognitivistiske og evolusjonsteoretiske studiet av religion

Ferdigheiter

- evne til å analysere fagstoff og trekkje eigne slutningar

- erfaring med å formidle informasjon, teoriar, idear, problemstillingar og løysingar om emnet både skriftleg og munnleg

- evne til å skriva ein resonnerande tekst

Generell kompetanse

Evne til å skaffe seg informasjon på eiga hand, til å vurdere han kritisk og vitskapleg og til å bringe han vidare til andre på forståeleg vis.

Grunnleggjande kunnskapar i religionsvitskap tilsvarande RELV101.

Mykje av pensumlitteraturen er på engelsk. Studenten bør difor ha gode engelskkunnskapar.

Studenten skal utforme og presentere ei tenkt prosjektskisse (1-2 sider) som inkluderer ei problemstilling, teori- og metodeval og forskningsetiske refleksjonar.

Obligatoriske krav er gyldige i to semester etter det undervisningssemesteret dei vart godkjende.

Eksamen består av to komponentar: ei semesteroppgåve og ein justerande munnleg eksamen knytt til oppgåva.

Innlevering av semesteroppgåva skal skje elektronisk. Oppgåva skal vere på omlag 5000-6000 ord.