Emner: RUS111 Russisk grammatikk (1) og skriftlig russisk (1) - Høst 2018

Studiepoeng, omfang

Studienivå (studiesyklus)

Bachelor

Undervisningsspråk

Norsk

Undervisningssemester

Vår

Undervisningsstad

Bergen

Mål og innhald

RUS111 er sett saman av Russisk grammatikk (1) og Skriftleg russisk (1). Emnet skal gje oversikt over russisk lydlære, formlære og syntaks og øva studentane opp i skriftleg russisk. Kurset skal danna eit grunnlag og vekkja interessa for vidare utforsking og bruk av russisk språk.

Læringsutbyte

Etter fullført emne: Studentane

har kunnskapar og dugleik i teoretisk russisk grammatikk med hovudvekt på morfologi og syntaks.
har utdjupa innsikt i det russiske lydsystemet.
har eit større og meir aktivt ordforråd og auka dugleik i praktisk grammatikk og språkbruk.
er i stand til å omsetja enkle tekstar frå norsk til russisk og skriva korte sjølvstendige tekstar på russisk.
kan nytta russisk i digitale medium

Krav til forkunnskapar

RUS111 byggjer på RUS100, Grunnkurs i skriftleg og munnleg russisk, og det blir kravd faglege føresetnader som svarer til dette emnet.

Tilrådde forkunnskapar

Studiepoengsreduksjon

Full fagleg overlapp med RUS101

Krav til studierett

Emnet er ope for alle med studierett ved UiB.

Arbeids- og undervisningsformer

Undervisninga i Russisk grammatikk går over eit heilt semester med normalt 4 timar i veka. Undervisningsforma vil vera førelesingar og øvingar.

Undervisninga i Skriftleg russisk går også over eit heilt semester med normalt 2 timar undervisning i veka. Undervisningsforma vil vera gjennomgang av skriftlege arbeid og øvingar.

Obligatorisk undervisningsaktivitet

Oppmøte til minst 70% av undervisninga. Det blir også kravd at studentane leverer minst 70 % (8 av 12) av dei skriftlege innleveringsarbeida for å kunna avleggja eksamen.

Godkjenninga av obligatoriske arbeidskrav er gyldig i undervisningssemesteret og to påfølgjande semester.

Vurderingsformer

Ein skriftleg skuleeksamen på 6 timar som omfattar både russisk grammatikk og skriftleg russisk (ein skriftleg omsetjing frå norsk til russisk) blir avvikla i slutten av vårsemesteret. Svara på grammatikkoppgåvene skal skrivast på norsk. Ved samanrekning til samla karakter for dei to eksamensdelane tel grammatikk 40 % og omsetjing 60 %. Studenten må ha ståkarakter i begge eksamensdelane.

Hjelpemiddel til eksamen

Karakterskala

Ved sensur av emnet blir karakterskalaen A-F nytta, kor F er stryk.

Vurderingssemester

Litteraturliste

Pensum inneheld i hovudsak eit grammatikkverk som gjev ei elementær og oversiktleg innføring i russisk grammatikk.

Emneevaluering

Emnet blir evaluert i tråd med UiB sitt kvalitetssikringssystem.

Programansvarleg

Emneansvarleg

Administrativt ansvarleg

Kontaktinformasjon

studierettleiar@if.uib.no eller studieveileder@if.uib.no