Emner: RUS111 Russisk grammatikk (1) og skriftlig russisk (1) - Vår 2014

Studiepoeng

15.0

Studienivå (studiesyklus)

Bachelor

Undervisningsspråk

Norsk

Undervisningssemester

Vår

Undervisningsstad

Bergen

Mål og innhald

RUS111 er sett saman av Russisk grammatikk (1) og Skriftleg russisk (1). Emnet skal gje oversikt over russisk lydlære, formlære og syntaks og øva studentane opp i skriftleg russisk. Kurset skal danna eit grunnlag og vekkja interessa for vidare utforsking og bruk av russisk språk.

Læringsutbyte

Etter å ha fullført emnet skal studentane

ha kunnskapar og dugleik i teoretisk russisk grammatikk med hovudvekt på morfologi og syntaks.
ha utdjupa innsikt i det russiske lydsystemet.
ha aktivisert og auka ordforrådet sitt og dugleiken i praktisk grammatikk og språkbruk.
vera i stand til å omsetja enkle tekstar frå norsk til russisk, skriva samandrag og korte sjølvstendige tekstar (brev, stilar og liknande).

Krav til forkunnskapar

RUS111 byggjer på RUS100, Grunnkurs i skriftleg og munnleg russisk, og det vert kravt faglege føresetnader som svarar til dette emnet.

Krav til studierett

Emnet er ope for alle med studierett ved UiB.

Undervisningsformer og omfang av organisert undervisning

Undervisninga i Russisk grammatikk går over eit heilt semester med 4 timar i veka. Undervisningsforma vil vera førelesingar og øvingar.

Undervisninga i Skriftleg russisk går også over eit heilt semester med 2 timar undervisning i veka. Undervisningsforma vil vera gjennomgang av skriftlege arbeid og øvingar.

Obligatorisk undervisningsaktivitet

Oppmøte til minst 70% av undervisninga. Det vert også kravd at studentane leverer minst 70 % av dei skriftlege innleveringsarbeida for å kunna avleggja eksamen.

Vurderingsformer

Ein skriftleg skuleeksamen på 6 timar som omfattar både russisk grammatikk og skriftleg russisk (ein skriftleg omsetjing frå norsk til russisk) vert avvikla i slutten av vårsemesteret. Svara på grammatikkoppgåvene skal skrivast på norsk. Ved samanrekning av samla karakter for dei to eksamensdelane tel grammatikk 40 % og omsetjing 60 %. Studenten må ha ståkarakter i begge eksamensdelane.

Karakterskala

Ved sensur av emnet nyttast karakterskalaen A-F, der F er stryk.

Fagleg overlapp

Fullt overlapp med RUS101

Litteraturliste

Pensum inneheld i hovudsak eit grammatikkverk som gjev ei elementær og oversiktleg innføring i russisk grammatikk.

Emneevaluering

Studentene skal evaluere undervisninga i tråd med UiB sitt kvalitetssikringssystem.

Kontaktinformasjon

studierettleiar@if.uib.no eller studieveileder@if.uib.no