Emner: RUS114 Russisk kultur (2) Tekst og tale (2) - Høst 2014
Studiepoeng
15.0Studienivå (studiesyklus)
Bachelor
Undervisningsspråk
Russisk kultur og tekst: Norsk
Munnleg russisk (tale): Russisk
Undervisningssemester
Haust
Undervisningsstad
Bergen
Mål og innhald
RUS114 omfattar førelesingar i Kultur og praktisk undervisning i Tekst og tale. Emnet skal gje fordjupa innsikt i russisk kultur med hovudvekt på russisk litteratur, øva opp den munnlege dugleiken og gje viktig skrivetrening.
RUS114 er ein obligatorisk del av spesialiseringa i russisk.
Læringsutbyte
Etter fullført emne: Studentane
- har utvida kunnskap om russisk kultur med særskilt vekt på eit fordjupingsområde innan kultur/litteratur.
- har betre innsikt i akademisk argumentasjon og korleis ein byggjer opp og formulerer eit akademisk essay.
- har vidareutvikla dugleik i å lesa, forstå og kommunisera på russisk.
- har øvd opp ferdigheitar i å omsetja tekstutdrag, munnleg og skriftleg, frå russisk til norsk.
- er i stand til å uttrykkja seg munnleg på russisk om emne som er relatert til pensum.
Krav til forkunnskapar
RUS114 byggjer på RUS100, RUS111 og RUS112, og det blir kravd faglege føresetnader som svarer til desse emna.
Tilrådde forkunnskapar
Krav til studierett
Emnet er ope for alle med studierett ved UiB.
Undervisningsformer og omfang av organisert undervisning
Undervisninga i RUS114 går over eit heilt semester med førelesingar, tekstgjennomgang og 4 timar i veka med munnleg trening.
Obligatorisk undervisningsaktivitet
Oppmøte til minst 70% av undervisninga. Studentane må også møta på rettleiing i samband med essayet.
Vurderingsformer
Mappevurdering og munnleg eksamen.
I vurderingsmappa inngår eit rettleidd essay og ei skriftleg kunnskapsprøve. Essayet, som er på om lag 2000 ord, skal leverast til fastsett frist. Essayet tel 60% og kunnskapsprøva 40% av mappa.
Munnleg eksamen inneheld lesing og omsetjing av eit tekstavsnitt frå pensum og deretter ein samtale på russisk.
Ved fastsetjing av samla karakter tel mappa 70% og munnleg eksamen 30%. Ein må ha ståkarakter i alle vurderingsdelane for å få ståkarakter i heile emnet. Alle vurderingsdelane må vera greidd i eksamenssemesteret.
Karakterskala
Ved sensur av emnet blir karakterskalaen A-F nytta, kor F er stryk.
Fagleg overlapp
Full fagleg overlapp med RUS154.
Litteraturliste
Pensum omfattar eit utval primærtekstar på russisk og sekundærlitteratur som skal danna grunnlag for kunnskapsprøva og for skriving av essayet.
Emneevaluering
Emnet blir evaluert i tråd med UiB sitt kvalitetssikringssystem.
Kontaktinformasjon
studierettleiar@if.uib.no eller studieveileder@if.uib.no