Russisk kultur og tekst: Norsk

Munnleg russisk (tale): Russisk

RUS114 omfattar førelesingar i Kultur og praktisk undervisning i Tekst og tale. Emnet skal gje fordjupa innsikt i russisk kultur med hovudvekt på russisk litteratur, øva opp den munnlege dugleiken og gje viktig skrivetrening.

RUS114 er ein obligatorisk del av spesialiseringa i russisk.

• ha utvida kunnskap om russisk kultur med særskilt vekt på eit fordjupningsområde innan kultur/litteratur.
• ha betre innsikt i akademisk argumentasjon og korleis ein byggjer opp og formulerer eit akademisk essay.
• ha vidareutvikla dugleiken i å lesa, forstå og kommunisera på russisk.
• ha øvd opp ferdigheitar i å omsetja tekstutdrag, munnleg og skriftleg, frå russisk til norsk.
• vera i stand til å uttrykkja seg munnleg på russisk om emne relatert til pensum

Mappevurdering og munnleg eksamen.

I vurderingsmappa inngår eit heimeessay og ei skriftleg kunnskapsprøve. Essayet, på ca. 2000 ord, skal leverast til fastsett frist. Essayet tel 60% og kunnskapsprøva 40% av mappa.

Munnleg eksamen inneheld lesing og omsetjing av eit tekstavsnitt frå pensum og deretter ein samtale på russisk.

Ved fastsetjing av samla karakter tel mappa 70% og munnleg eksamen 30%. Ein må ha ståkarakter i alle vurderingsdelane for å få ståkarakter i heile emnet, og alle delane må vera greidd i same semester.