Emnet består av dei to disiplinane Russisk grammatikk og Skriftleg russisk. Studentane skal gjennom ei språkvitskapleg tilnærming få god innsikt i strukturen i utvalde emne i russisk språk, og skal utdjupa dugleiken sin i skriftleg russisk og omsetjing frå norsk til russisk.

RUS211 skal òg danna eit godt fundament for vidare studium i russisk.

Studentane skal få ei forståing av språket sin plass og rolle i eit språkleg, så vel som samfunnsmessig perspektiv.

• har gode kunnskapar i russisk morfologi og syntaks, og også utdjupa innsikt i nokre utvalde grammatiske emne (som til dømes partisippar, bruk av lang- og kortformer av adjektiv, ordstilling o.a.).
• er i stand til å analysera russisk språkstruktur og gjera greie for russiske grammatiske emne i samanlikning med norsk.
• Har djupare innsikt i eit språkvitskapleg omgrepsapparat og analyse.
• kan omsetja middels vanskelege tekstar innan ulike sjangrar frå norsk til russisk
• kan utforma sjølvstendige, resonnerande tekstar på russisk og dermed visa at ein meistrar den teoretiske grammatikken i praksis.
• kan setja russisk standardspråk i perspektiv som ein av fleire varietetar av russisk.
• er godt budd på eit masterstudium i russisk, men òg i stand til å kunna vidareutvikla kunnskap og dugleik i disiplinen på sjølvstendig vis.

Undervisninga startar med 8¿9 veker undervisning i Bergen, der all teori vert gjennomgått, følgt av eit tilbod på normalt 6 veker undervisning ved Det norske universitetssenteret i St. Petersburg.

Undervisninga av Russisk grammatikk har normalt 5¿6 timar undervisning i veka i Bergen i veke 3¿12 og ei oppsummeringstime i mai. Undervisningsforma vil vera førelesingar og øvingar.

Skriftleg russisk går over eit heilt semester og har normalt 2 timar undervisning i veka i veke 3¿12. Undervisninga vil vera gjennomgang av skriftlege omsetjingar norsk-russisk og andre skriftlege arbeid og øvingar. Dei studentane som ikkje reiser til Sankt Petersburg får tilbod om å levera og få retta oppgåvene som vert gjennomgått ved universitetssenteret.

Kurstilbodet i Sankt-Petersburg har normalt 16¿20 timar timar undervisning i seks veker (saman med emnet RUS252) og består av grammatiske øvingar, omsetjing frå norsk til russisk, munnleg russisk og tekstgjennomgang av russisk litteratur frå pensumlista til RUS252.

1) Oppmøte til minst 70% av undervisninga i Bergen.

2) Levering av minst ei skriftleg oppgåve som svarer til ei eksamensoppgåve i disiplinen Russisk språkstruktur, og minst 70 % (7 av 10) av innleveringsarbeida i disiplinen Skriftleg russisk (A-oppgåver) og minst 2 fritekstar (B-oppgåver).

Godkjenninga av obligatoriske arbeidskrav er gyldig i undervisningssemesteret og to påfølgjande semester.

Skriftleg russisk (omsetjing til russisk): Skriftleg eksamen på 4 timar.

Russisk språkstruktur: Skriftleg eksamen på 4 timar. Svara på oppgåvene skal skrivast på norsk.

Eksamen går over to dagar. Ved samanrekning av samla karakter i dei to disiplinane tel Russisk grammatikk 60 % og Skriftleg omsetjing 40 %. Studenten må ha ståkarakter i begge disiplinane. Begge vurderingsdelane må vera greidd i same semester.