Emner: RUS211 Russisk språkstruktur og skriftlig russisk - Vår 2014
Studiepoeng
15.0Studienivå (studiesyklus)
Bachelor
Undervisningsspråk
Norsk
Undervisningssemester
Vår
Undervisningsstad
Bergen og St. Petersburg
Mål og innhald
Emnet består av dei to disiplinane russisk grammatikk og skriftleg russisk. Studentane skal gjennom ei språkvitskapleg tilnærming få god innsikt i strukturen i utvalte emne i russisk språk, og skal utdjupa dugleiken i skriftleg russisk og omsetjing frå norsk til russisk.
RUS211 skal òg danna eit godt fundament for vidare studium i russisk.
Studentane skal få ei forståing av språket sin plass og rolle i eit språkleg, så vel som samfunnsmessig perspektiv.
Læringsutbyte
Ved fullført emne skal studenten- ha gode kunnskapar i russisk morfologi og syntaks, og også utdjupa innsikt i nokre utvalde grammatiske emne (som til dømes partisippar, bruk av lang- og kortformer av adjektiv, ordstilling o.a.).
- vera i stand til å analysera russisk språkstruktur og gjera greie for russiske grammatiske emne i samanlikning med norsk.
- ha fått djupare innsikt i eit språkvitskapleg omgrepsapparat og analyse.
- kunna omsetja middels vanskelege tekstar innan ulike sjangrar frå norsk til russisk.
- kunna utforma sjølvstendige, resonnerande tekstar på russisk og dermed visa at ein meistrar den teoretiske grammatikken i praksis.
- kunna setja russisk standardspråk i perspektiv som eit av fleire varietetar av russisk.
- vera godt budd på eit masterstudium i russisk, men òg i stand til å kunna vidareutvikla kunnskap og dugleik i disiplinen på sjølvstendig vis.
Krav til forkunnskapar
Begge disiplinane i RUS211 byggjer på RUS100, RUS111, RUS112, RUS113 og RUS114, og det vert kravt faglege føresetnader som svarer til desse emna.
Krav til studierett
Emnet er ope for alle med studierett ved UiB.
Undervisningsformer og omfang av organisert undervisning
Russisk grammatikk går over eit heilt semester med 4 timar undervisning i veka. Undervisningsforma vil vera førelesingar.
Skriftleg russisk går over eit heilt semester med 2 timar undervisning i veka. Undervisninga vil vera gjennomgang av skriftlege omsetjingar norsk-russisk og andre skriftlege arbeid og øvingar.
Obligatorisk undervisningsaktivitet
Oppmøte til minst 70 % av undervisninga.
Det vert kravd at studentane leverer minst 70 % av dei skriftlege innleveringsarbeida.
Vurderingsformer
Russisk grammatikk: Skriftleg eksamen på 4 timar. Svara på oppgåvene skal skrivast på norsk.
Skriftleg omsetjing: Skriftleg eksamen på 4 timar.
Eksamen går over to dagar. Ved samanrekning av samla karakter i dei to disiplinane tel Russisk grammatikk 60 % og Skriftleg omsetjing 40 %. Studenten må ha ståkarakter i begge disiplinane. Begge vurderingsdelane må vera greidd i same semester.
Karakterskala
Ved sensur av emnet nyttast karakterskalaen A-F, der F er stryk.
Fagleg overlapp
Fullt overlapp med RUS201
Litteraturliste
Utvalte emne frå ein høveleg grammatikk, supplerte med språkvitskapleg litteratur.
Emneevaluering
Studentene skal evaluera undervisninga i tråd med UiB sitt kvalitetssikringssystem.
Kontaktinformasjon
studierettleiar@if.uib.no eller studieveileder@if.uib.no