Russisk litteratur: Norsk

Munnleg russisk: Russisk

Kurset er sett saman av Russisk litteratur og Munnleg russisk. Emnet skal gje fordjuping i sentrale emne i den russiske litteraturen, opplæring i sjølvstendig akademisk arbeid og danna godt grunnlag for vidare studium i russisk litteratur.

Munnleg russisk skal vidareutvikla kommunikasjonsevna til studentane.

• har kunnskap om pensumtekstane og deira kontekst og kan situera dei i høve til hovudlinene i russisk kultur- og litteraturhistorie.
• har erverva kunnskap om sentrale problemstillingar i russisk litteratur.
• har fått ei innføring i diktanalyse og kjennskap til eit sentralt litteraturteoretisk omgrepsapparat.
• kan bruka tileigna omgrep og analysemodellar i sjølvstendig tekstanalyse.
• har øving og dugleik i kritisk lesing og vurdering av pensumstoffet, men også i å planleggja, strukturera og gjennomføra ei arbeidsoppgåve som strekkjer seg over tid gjennom arbeidet med semesteroppgåva.
• har vidareutvikla den generelle dugleiken i russisk og er i stand til å presentera og drøfta problemstillingar knytte til pensum på russisk munnleg.

Kurset Russisk litteratur går over eit heilt semester med 3-4 timar undervisning i veka. Undervisningsforma vil vera førelesingar og tekstgjennomgang.

Kurset Munnleg russisk går over eit heilt semester med 4 timar undervisning i veka. Undervisningsforma vil vera konversasjon og språklege øvingar.

Russisk litteratur: Ei rettleidd oppgåve på om lag 4000 ord som skal leverast før avreise til St. Petersburg.

Munnleg russisk: Munnleg eksamen der studentane les, omset og kommenterer ein tekst frå pensum og blir testa i munnleg dugleik og litteratur.

Den rettleidde oppgåva må vera greidd før ein kan gå opp til munnleg prøve. Den munnlege prøva får eigen karakter. Ved fastsetjing av endeleg karakter for emnet tel den rettleidde oppgåva to tredelar og den munnlege prøva ein tredel. Ein må ha ståkarakter i alle vurderingsdelane for å få ståkarakter i heile emnet. og alle delane må vera greidd i undervisningssemesteret.

Semesteroppgåva i RUS252 ffoyller kravet til det sjølvstendige arbeidet som skal gå inn i ein bachelorgrad.