Emner: RUS252 Fordypning i russisk litteratur og muntlig russisk med semesteroppgave - Høst 2014
Studienivå (studiesyklus)
Bachelor
Undervisningsspråk
Russisk litteratur: Norsk
Munnleg russisk: Russisk
Undervisningssemester
Vår
Undervisningsstad
Bergen og St. Petersburg
Mål og innhald
Kurset er sett saman av Russisk litteratur og Munnleg russisk. Emnet skal gje fordjuping i sentrale emne i den russiske litteraturen, opplæring i sjølvstendig akademisk arbeid og danna godt grunnlag for vidare studium i russisk litteratur.
Munnleg russisk skal vidareutvikla kommunikasjonsevna til studentane.
Læringsutbyte
Etter fullført emne: Studenten- har kunnskap om pensumtekstane og deira kontekst og kan situera dei i høve til hovudlinene i russisk kultur- og litteraturhistorie.
- har erverva kunnskap om sentrale problemstillingar i russisk litteratur.
- har fått ei innføring i diktanalyse og kjennskap til eit sentralt litteraturteoretisk omgrepsapparat.
- kan bruka tileigna omgrep og analysemodellar i sjølvstendig tekstanalyse.
- har øving og dugleik i kritisk lesing og vurdering av pensumstoffet, men også i å planleggja, strukturera og gjennomføra ei arbeidsoppgåve som strekkjer seg over tid gjennom arbeidet med semesteroppgåva.
- har vidareutvikla den generelle dugleiken i russisk og er i stand til å presentera og drøfta problemstillingar knytte til pensum på russisk munnleg.
Krav til forkunnskapar
For å ta eksamen i RUS 252 blir det kravd at studentane har teke RUS100, RUS111, RUS112, RUS113 og RUS114.
Tilrådde forkunnskapar
Krav til studierett
Emnet er ope for alle med studierett ved UiB.
Undervisningsformer og omfang av organisert undervisning
Kurset Russisk litteratur går over eit heilt semester med 3-4 timar undervisning i veka. Undervisningsforma vil vera førelesingar og tekstgjennomgang.
Kurset Munnleg russisk går over eit heilt semester med 4 timar undervisning i veka. Undervisningsforma vil vera konversasjon og språklege øvingar.
Obligatorisk undervisningsaktivitet
Oppmøte til minst 70% av undervisninga. Studentane må også møta til rettleiing i samband med semesteroppgåva. Dei obligatoriske arbeidskrava er gyldige berre i undervisningssemesteret.
Vurderingsformer
Russisk litteratur: Ei rettleidd oppgåve på om lag 4000 ord som skal leverast før avreise til St. Petersburg.
Munnleg russisk: Munnleg eksamen der studentane les, omset og kommenterer ein tekst frå pensum og blir testa i munnleg dugleik og litteratur.
Den rettleidde oppgåva må vera greidd før ein kan gå opp til munnleg prøve. Den munnlege prøva får eigen karakter. Ved fastsetjing av endeleg karakter for emnet tel den rettleidde oppgåva to tredelar og den munnlege prøva ein tredel. Ein må ha ståkarakter i alle vurderingsdelane for å få ståkarakter i heile emnet. og alle delane må vera greidd i undervisningssemesteret.
Semesteroppgåva i RUS252 ffoyller kravet til det sjølvstendige arbeidet som skal gå inn i ein bachelorgrad.
Karakterskala
Ved sensur av emnet blir karakterskalaen A-F nytta, kor F er stryk.
Fagleg overlapp
Full fagleg overlapp med RUS202.
Vurderingssemester
Litteraturliste
Pensum omfattar skjønnlitterære tekstar på russisk og eit utval relevant sekundærlitteratur.
Emneevaluering
Emnet blir evaluert i tråd med UiB sitt kvalitetssikringssystem.
Kontaktinformasjon
studierettleiar@if.uib.no eller studieveileder@if.uib.no