Emner: RUS302 Tekst og skriftlig russisk - Vår 2014

Studienivå (studiesyklus)

Master

Undervisningsspråk

Norsk/russisk

Undervisningssemester

Haust

Undervisningsstad

Bergen

Mål og innhald

Studentane skal skaffa seg større språkdugleik, først og fremst i det skriftlege. Dei skal utvida ordforrådet og stadfesta språkkjensla.

Læringsutbyte

Etter fullført emne skal studentane

ha fått god innsikt i eit russisk akademisk omgrepsapparat og kunnskap om korleis ein byggjar opp og formulerer eit akademisk essay på russisk.
ha opparbeidd praktisk dugleik i å utforme akademiske tekstar gjennom arbeidet med heimeessayet og førebuinga til skuleessayet.
ha øvd opp dugleik i å omsetja forholdsvis avanserte tekstar frå norsk til russisk.
ha vidareutvikla dugleiken i å lesa og forstå tekstar innan ulike sjangrar, med hovudvekt på vitskaplege tekstar.
ha utvida det generelle aktive og passive ordforrådet så vel som eit meir fagspesifikt akademisk vokabular, både munnleg og skriftleg.
vera godt budde på å skrive ei masteroppgåve innan russiskfaget.

Krav til forkunnskapar

Bachelorgrad med spesialisering i russisk eller tilsvarande.

Tilrådde forkunnskapar

Krav til studierett

Emnet er ope for studentar med studierett på masterprogrammet i russisk ved UiB.

Undervisningsformer og omfang av organisert undervisning

Emnet inneheld kursbasert essayskriving og omsetjingsøvingar. Undervisninga omfattar skriftleg omsetjing norsk-russisk, teoretisk og praktisk oppøving i essayskriving på russisk, tekstlesing og munnlege øvingar.

Obligatorisk undervisningsaktivitet

Det vert kravd oppmøte til minst 70 % av all undervisning. Det er også obligatorisk innlevering av 70% av omsetjingane frå norsk til russisk, og av disposisjon og førsteutkast til heimeoppgåva (essayet).

Vurderingsformer

1) Skoleeksamen på seks timar med omsetjing frå norsk til russisk av ein tekst på omlag 300 ord.

2) Mappevurdering: Eksamensforma er ei mappe som inneheld ei heimeoppåve (essay) på russisk på ca. 2000 ord som skal leverast til fastsett frist. I tillegg skal alle studentar opp til ei tre timars intern prøve, der dei skal skrive eit essay på russisk på ca. 500 ord. Mappa får ein samla karakter. Heimeoppgåva tel 70% og prøva tel 30% av den samla karakteren.

Ved fastsetjing av endeleg karakter tel skoleeksamen i omsetjing 40% og mappevurderinga 60%. Begge eksamensdelane må vera tekne i same semester.

Karakterskala

Ved sensur av emnet nyttar ein karakterskalaen A-F, der F er stryk.

Litteraturliste

Studentane skal lese eit pensum med variert sakprosa og skjønnlitteratur. Pensumet vert sett saman av studentane i samråd med faglærar og dannar grunnlaget for essayskrivinga.

Emneevaluering

Undervisninga blir evaluert i tråd med UiB sitt kvalitetssikringssystem.

Kontaktinformasjon

studieveileder@if.uib.no