Emner: RUS303 Særemne i russisk språk-, litteratur- eller kulturvitenskap - Vår 2014
Studiepoeng
15.0Studienivå (studiesyklus)
Master
Undervisningsspråk
Norsk/russisk
Undervisningssemester
Vår
Undervisningsstad
Bergen
Mål og innhald
RUS303 er eit fordjupingsstudium i eitt eller fleire sentrale emne innafor russisk språk, litteratur og kultur. Fagmiljøet gir undervisning i ulike særemne, alt etter kva lærarressursar som er til rådevelde. Døme på tema for særemne kan vera dialektologi, intonasjon, språkleg variasjon, russisk språk etter pestrtroika, avantgarden i russisk litteratur, moderne russisk prosa, den russiske romanen på 1800-talet, Kaukasus-temaet i russisk litteratur (fortid og nåtid), Peterburgmyten i russisk litteratur og kultur.
Læringsutbyte
Etter fullført emne skal studentane- ha solide kunnskapar om det utvalde emnet innafor russisk språk, litteratur og/eller kultur.
- ha øvd opp ei kritisk og sjølvstendig haldning til lærestoffet.
- ha utvikla teoretisk innsikt i temaet og i problemstillingar, som kan koma til nytte i arbeidet med masteroppgåva.
- ha fått øving i å omsetja russiske sakprosatekstar til norsk.
- ha fått god trening i akademisk framstilling, både skriftleg og munnleg og både på russisk og på norsk, gjennom skriftlege oppgåver (omsetjingar og essay), eit seminarinnlegg på russisk og diskusjon.
Krav til forkunnskapar
Bachelorgrad med spesialisering i russisk eller tilsvarande.
Tilrådde forkunnskapar
Tilrådd startgrunnlag er RUS301 og RUS302 eller tilsvarande emne.
Krav til studierett
Emnet er ope for studentar med studierett på masterprogrammet i russisk ved UiB.
Undervisningsformer og omfang av organisert undervisning
Førelesingar, seminar og individuell rettleiing.
Obligatorisk undervisningsaktivitet
Minst 70 % oppmøte til undervisning. Eit munnleg innlegg på russisk og fire omsetjingar (to norsk-russisk og to russisk-norsk) av pensum-relaterte tekstar.
Vurderingsformer
Mappevurdering: Ei skriftleg heimeoppgåve/eit essay som skal skrivast på norsk, ein skriftleg versjon av det munnlege innlegget (på russisk) og ei kort skriftleg kunnskapsprøve (3 timar). Svara på kunnskapsprøva kan skrivast på norsk eller russisk. Ved fastsetjing av samla karakter tel dei 3 delane likt.
Karakterskala
Ved sensur av emnet nyttast karakterskalaen A-F der F er stryk.
Litteraturliste
Omfanget på pensumet vil variera med emnet.
Emneevaluering
Undervisning og program blir evaluert i tråd med UiB sitt kvalitetssikringssystem.
Kontaktinformasjon
studieveileder@if.uib.no