Forskingsgruppa «utfordringar i etablerte demokrati» fokuserer sin faglege aktivitet på utfordringar og transformasjonar i etablerte demokrati. Slike utfordringar og transformasjonar er relatert til eit mangfald av spesifikke forskingsfelt, som institusjonar, mangfald, transnasjonalisering, globalisering, terrorisme og kontraterrorisme, europeisk integrasjon og menneskeleg sikkerheit. Sistnemnte inkluderer miljøspørsmål, samt ulike måtar velferdsstatar møter utfordringar knytt til arbeidsutvandring og innvandring, økonomiske nedgangstider og ei aldrande befolkning. I tillegg til empiriske fenomen retter gruppa fokus på notidig politisk filosofi ¿ studiar av konsepta og prinsippa som menneskjer nyttar til å skildre, forklare og evaluere politiske hendingar og institusjonar.
Emnet inviterer masterstudentar til å delta aktivt og kritisk i diskusjonar om aktuell og pågåande forsking innanfor studiar av samanliknande politikk. Emnet veks ut av eit forskingsfelt kor medlemmar av fakultetsstaben ved institutt for samanliknande politikk er aktive deltakarar. Gjennom å lese utvalt litteratur frå forskingsfeltet, ta del i seminardiskusjonar og produsere skriftlege essays vil studentar bli engasjert i eit mangfald av teoretiske diskusjonar og empiriske funn. Studentar blir òg oppmuntra (for positivt ord) til å delta i ein kritisk vurdering av det empiriske fundamentet og dei metodologiske tilnærmingane som vert presentert innanfor det aktuelle forskingsfeltet.
Emnet er organisert etter seminarmodellen og me forventar derfor at studentar vil møte førebudd, for å delta aktivt i diskusjonar, til kvart seminar. Gjennom slike diskusjonar vil studentar forbetre sine evner til å formulere konstruktiv kritikk av eksisterande forsking og å utvikle sjølvstendige og originale perspektiv på utfordrande problemstillingar innanfor forskingsfeltet.
Dei spesifikke tema og innhaldet i emna vil variere frå år til år avhengig av kven av fakultetsmedlemmene innanfor dei ulike forskingsgruppene (ved institutt for samanliknande politikk) som tar på seg ansvar for å utvikle og organisere dei. Alle forskingsgruppene vil tilby minst eit emne kvart akademiske år.
Etter å ha fullført emnet skal studenten kunne:
- Delta i den pågåande forskinga innanfor (studiar i) samanliknande politikk.
- Kritisk evaluere empiriske funn, samt det empiriske datamateriale som dannar grunnlaget for desse funna.
- Utvikle innsikter i styrkene og svakheitene til forskjellige teoretiske rammeverk.
- Presentere, både skriftleg og verbalt, utfordrande fagleg materiale.
- Delta i eksisterande forskingsprosjekt, samt å initiere sine eigne prosjekt.
SAMPOL305 Multiple Regression Data Analysis
SAMPOL306 Seminar in Comparative Politics
Emnet er i hovudsak orientert mot studentar som er tatt opp på institutt for samanliknande politikk sitt masterprogram, men er òg ope for utvekslingsstudentar etter godkjenning av førespurnad.
Kurset er avgrensa til maksimum 15 studentar. Tilgang til kurset vert gjeve til dei fyrste 15 som vurderingsmeldar seg i emnet.
1 innleveringsoppgåve.
Obligatorisk oppmøte på seminar (minimum 75 %)