Studiet skal gi studentane oversyn over viktige utviklingstrekk og hendingar i latinamerikansk historie, slik at dei skal kjenna bakgrunnen for det Latin-Amerika me ser dag.

Studentane vinn innsyn i sentrale tema og problemstillingar innan fagområdet latinamerikansk historie. Vidare skal studentane analysera fagstoff og trekka eigne slutningar. Dei skal kunna vidareutvikla sin kunnskap, dugleik og forståing gjennom vidare studium og yrkesliv.

• ha kunnskap om hovudtrekka i latinamerikansk historie
• ha forståing for kva historiske faktorar som dannar bakgrunnen for aktuelle problemstillingar i dagens latinamerikanske samfunn og kultur
• ha forståing for korleis ulike perspektiv pregar framstillingane av latinamerikansk historie og samfunn
• kunna gjera greie for sentrale trekk og samanhengar i latinamerikansk historie
• kunna demonstrera kunnskap og evne til fagleg drøfting i mindre skriftlege arbeid på eit klårt og korrekt spansk språk med rett bruk av referansar og litteraturliste
• kunna leggja fram - munnleg på spansk - kunnskap om sentrale problemstillingar i latinamerikansk historie.

Emnet er ope for alle med ein studierett ved UiB.

Personar utan studierett kan søkja SA om å få gå opp til særskild eksamen. 

Det blir undervist i sentrale delar av pensum i hovudsak i form av oversynsførelesingar. Særleg er det lagt vekt på at studentane skal forstå kva innverknad historiske utviklingstrekk og hendingar har hatt på utviklinga i Latin-Amerika. Totalt blir det gitt førelesingar fire timar i veka i 12 veker.

Det blir også normalt gitt gruppeundervisning to timar i veka i 12 veker, der ein diskuterer sentrale problemstillingar.

Vurderingsforma i emnet er todelt:

1) Ein 7-dagars heimeeksamen (om lag 2000 ord) som blir skriven på spansk. Studentane kan velja mellom eit utval tema som blir gitt av lærarane. Karakteren blir sett på grunnlag av både innhald og språk.

2) Semesteret blir avslutta med ein munnleg eksamen der kandidaten held ein presentasjon (8-10 min.) av eit emne frå ein annan del av pensum enn det som gjeld for heimeeksamen. Tema for presentasjonen blir gitt av lærarane. Kandidaten vil òg få spørsmål frå resten av pensum.

Heimeeksamen skal vera greidd før ein kan ta munnleg eksamen i emnet, og både heimeeksamen og munnleg eksamen må vera greidde før det blir gitt studiepoeng for emnet. Kvar av dei to vurderingsdelane tel 50% i utrekninga av den samla karakteren. Det er høve til å ta den munnlege eksamenen inntil to semester etter at heimeeksamen er greidd.