Emner: SPLA104 Kultur og samfunn i Latin-Amerika - Vår 2014
Studienivå (studiesyklus)
Bachelor
Undervisningsspråk
Spansk
Undervisningssemester
Haust.
Undervisningsstad
Bergen
Mål og innhald
Studiet gir innsyn i tre til fire ulike emne som gjeld kultur og samfunn i dei spansktalande landa i Latin-Amerika. Kva emne ein vel å fordjupa seg i, vil verta fastlagt av emneansvarleg og vil variera frå år til år.
Studentane skal vinna kunnskap om nokre sentrale tema og problemstillingar i dagens latinamerikanske samfunn og kulturar. Dei skal analysera fagstoff og trekkja eigne slutningar. I tillegg skal dei utvikla evna til å skjøna og bruka moderne spansk munnleg og skriftleg.
Læringsutbyte
Etter å ha greidd emnet skal studenten:
- ha innsikt i tre til fire aktuelle problemstillingar i dagens latinamerikanske samfunn og kulturar
- ha forståing for korleis ulike perspektiv pregar framstillingane av dei latinamerikanske samfunna
- kunna gjera greie for nokre sentrale trekk og samanhengar i dagens latinamerikanske samfunn og kulturar
- kunna demonstrera kunnskap og evne til fagleg drøfting i skriftlege arbeid på eit klart og korrekt spansk språk med rett bruk av referansar og litteraturliste.
Krav til forkunnskapar
Ingen formelle krav, men all undervisninga skjer på spansk og føreset spanskkunnskapar som svarar til 30 studiepoeng på 100-nivå i spansk språk og latinamerikastudium.
Tilrådde forkunnskapar
Undervisninga i SPLA104 legg til grunn spanskkunnskapar som svarar til 30 studiepoeng på 100-nivå i spansk språk og latinamerikastudium.
Krav til studierett
Emnet er ope for alle med ein studierett ved UiB.
Undervisningsformer og omfang av organisert undervisning
Undervisninga er basert på førelesingar, gruppeundervisning og konversasjon, og legg derfor til grunn at studentane tar aktivt del i undervisningstilbodet. Det blir gitt førelesingar to timar i veka i 12 veker, og gruppeundervisning to timar i veka i 12 veker, normalt organisert som blokkundervisning.
Obligatorisk undervisningsaktivitet
Studentane skal møta til ei obligatorisk rettleiing i samband med skrivinga av semesteroppgåva. Rettleiing per epost/tlf. blir ikkje gitt.
Obligatoriske arbeidskrav er gyldige i undervisningssemesteret og det påfølgjande semesteret.
Vurderingsformer
Vurderingsforma er ei semesteroppgåve på om lag 2500 ord skriven på spansk. Studentane kan velja tema for oppgåva frå ei liste utarbeidd av emneansvarleg. Karakteren blir sett på grunnlag av både innhald og språk.
Karakterskala
Ved sensur av emnet nyttar ein karakterskalaen A-F, der F er stryk.
Fagleg overlapp
SLAN613 (100 %)
Litteraturliste
Pensum (om lag 600 sider) kan vera sett saman av oversynsverk, artiklar og anna fagstoff, og vil variera etter kva tema kurset fokuserer på.
Emneevaluering
Undervisninga blir evaluert i tråd med UiB sitt kvalitetssikringssystem.
Kontaktinformasjon
studieveileder@if.uib.no