Emner: SPLA301 Spansk lingvistikk - Høst 2014

Studienivå (studiesyklus)

Master

Undervisningsspråk

Spansk

Undervisningssemester

Haust

Undervisningsstad

Bergen

Mål og innhald

SPLA301 gir fordjuping i spansk grammatikk, syntaks og språkbruk i den spansktalande verda.

Læringsutbyte

Ved fullført emne skal studenten

ha god innsikt i teoretiske og metodologiske perspektiv for det språkvitskaplege feltet som har vorte gjennomgått det semesteret.
ha kjennskap til nyare forsking innanfor det feltet emnet omhandlar (t d spansk grammatikk, dialektologi, pragmatikk, sosiolingvistikk, språk og kultur o a).
få øva opp til språkvitskaplege problemstillingar for eit førebuande arbeid med ei masteroppgåve om spansk språk, og vera i stand til å driva forsking og anna fagleg arbeid.
kunna halda fram med eiga kompetanseutvikling og utdjuping i ei kritisk og sjølvstendig haldning.

Krav til forkunnskapar

Bachelorgrad med spesialisering i Spansk språk og latinamerikastudium.

Krav til studierett

Emnet er ope for alle masterstudentar i spansk språk og latinamerikastudium ved UiB.

Undervisningsformer og omfang av organisert undervisning

Tema for undervisninga kan variera frå semester til semester. Undervisninga er samansett av seminar fire timar i veka i 12 veker og individuell rettleiing knytt til ei oppgåve.

Obligatorisk undervisningsaktivitet

Det er obligatorisk å levera to utkast av oppgåva til rettleiing og å møta til rettleiing to gonger i løpet av semesteret. Rettleiing per e-post vil berre bli gitt i heilt særskilte høve og då etter godkjenning av søknad til instituttet. Fristane for innlevering av utkasta blir kunngjorde i samband med seminaret.
Det obligatoriske arbeidskravet er gyldig i eitt semester etter det undervisningssemesteret det er godkjent.

Vurderingsformer

Studentane skriv ei rettleidd oppgåve (essay) på 15-20 standardsider (dobbel linjeavstand og 12 punkt Times New Roman eller liknande skrifttype) på spansk, pluss innhaldsliste og bibliografi. Tema for oppgåva blir godkjent av faglærar og vurdert av ein eksamenskommisjon i slutten av semesteret (skal leverast i tre eksemplar).

To studentar kan velja å gå saman om å skriva éi oppgåve, og oppgåva skal i så fall vere på 20-25 standardsider (dobbel linjeavstand og 12 punkt Times New Roman eller liknande skrifttype) pluss bibliografi, skriven på spansk. Det blir gitt ein sams karakter på oppgåva. Studentane skal i løpet av masterstudiet ha skrive minimum ei av dei rettleidde oppgåvene på SPLA301, SPLA302 og SPLA303 individuelt.

Karakterskala

Ved sensur av emnet nyttar ein karakterskalaen A-F, der F er stryk.

Litteraturliste

Det samla pensumet er på om lag 500 sider og skal femna om relevant og teoretisk fundert lingvistikk.

Studentane skal som hovudregel leggja opp det pensumet som ligg til grunn for undervisninga det gjeldande semesteret. Alternative pensum kan godkjennast etter grunngjeven søknad til fagmiljøet. I undervisningsfrie semester gjeld opplegget frå semesteret før som standardpensum.

Emneevaluering

Undervisninga blir evaluert i tråd med UiB sitt kvalitetssikringssystem.

Kontaktinformasjon

studieveileder@if.uib.no