Master

Spansk

Vår

Bergen

SPLA302 er eit fordjupingsemne i spanskamerikansk litteratur. I emnet inngår seminardeltaking og sjølvstendig arbeid innan eit litteraturfagleg problemfelt.

Studentane skal oppnå analytisk og teoretisk fordjuping i eit emne frå spanskamerikansk litteratur.

Dei skal kunna formulera problemstillingar for, planlegga og gjennomføra forskings- og utviklingsoppgåver, samt ha kunnskap om forskingsfronten på sitt fagområde.

Dei skal kunna delta i debattar innafor sitt fagområde i internasjonale fora.

Bachelorgrad med spesialisering i Spansk språk og latinamerikastudium.

Emnet er ope for alle masterstudentar i spansk språk og latinamerikastudium ved UiB.

Tema for undervisninga kan variera frå semester til semester. Undervisninga er samansett av førelesingar og/eller seminar fire timar i veka i 12 veker og individuell rettleiing knytt til ei oppgåve.

Det er obligatorisk å levera to utkast av oppgåva til rettleiing og å møta til rettleiing to gonger i løpet av semesteret. Rettleiing per e-post vil berre bli gitt i heilt særskilte høve og då etter godkjenning av søknad til instituttet. Fristane for innlevering av utkasta blir kunngjorde i samband med førelesinga/seminaret.  

Det obligatoriske arbeidskravet er gyldig i eitt semester etter det undervisningssemesteret det er godkjent.

Studentane skriv ei rettleidd oppgåve (essay) på 15-20 standardsider (dobbel linjeavstand og 12 punkt Times New Roman eller liknande skrifttype) på spansk, pluss bibliografi. Tema for oppgåva blir godkjent av faglærar og vurdert av ein eksamenskommisjon i slutten av semesteret (skal leverast i tre eksemplar).

To studentar kan velja å gå saman om å skriva éi oppgåve, og oppgåva skal i så fall vere på 20-25 standardsider (dobbel linjeavstand og 12 punkt Times New Roman eller liknande skrifttype) pluss bibliografi, skriven på spansk. Det blir gitt ein sams karakter på oppgåva. Studentane skal i løpet av masterstudiet ha skrive minimum ei av dei rettleidde oppgåvene på SPLA301, SPLA302 og SPLA303 individuelt.

Ved sensur av emnet nyttast karakterskalaen A-F, der F er stryk.

Pensum (om lag 800 sider) skal innehalda både skjønnlitterære verk og teoretiske tekstar knytte til desse. Studentane skal som hovudregel leggja opp det pensumet som ligg til grunn for undervisninga det gjeldande semesteret. Alternative pensum kan godkjennast etter grunngjeven søknad til fagmiljøet. I undervisningsfrie semester gjeld opplegget frå semesteret før som standardpensum.

Pensumutvalet har så langt det er råd ei nokolunde lik fordeling mellom kvinnelege og mannlege forfattarar.

Undervisninga blir evaluert i tråd med UiB sitt kvalitetssikringssystem.

studieveileder@if.uib.no