Emner: SPLA323 Latinamerikansk historie og kulturkunnskap - Vår 2018
Studiepoeng, omfang
Studienivå (studiesyklus)
Master
Undervisningsspråk
Spansk
Undervisningssemester
Vår (går første gong våren 2015)
Undervisningsstad
Bergen
Mål og innhald
SPLA323 er eit fordjupingsemne i latinamerikansk historie og kultur. Det femner om seminardeltaking og sjølvstendig arbeid med eit historisk problemområde.
Læringsutbyte
Studentane har utvikla ei kritisk og sjølvstendig haldning til analyse av problemstillingar i latinamerikansk historie og kultur slik dei kjem fram gjennom studium av eit konkret tema, og har lagt til rette for vidare fordjuping innanfor fagfeltet. Studentane kan formulera problemstillingar for, planleggja og gjennomføra forskings- og utviklingsoppgåver, samt har kunnskap om forskingsfronten på sitt fagområde. Dei kan delta i debattar innafor sitt fagområde i internasjonale fora.
Krav til forkunnskapar
Tilrådde forkunnskapar
Studentane blir rådde til å ta eksamen i SPLA313 før dei startar på SPLA323.
Studiepoengsreduksjon
SPLA303 (10 stp)
Krav til studierett
Emnet er ope for studentar med studierett på masterprogrammet i spansk språk og latinamerikastudium ved Universitetet i Bergen.
Arbeids- og undervisningsformer
Tema for undervisninga kan variera frå semester til semester. Undervisninga er samansett av førelesing og/eller seminar og individuell rettleiing knytt til ei oppgåve. Førelesingane/seminara kan anten bli gitt som to timar i veka i tolv veker eller i større undervisningsbolkar.
Om det melder seg færre enn fem studentar til eit emne, kan undervisningstilbodet bli tilpassa studenttalet. Studentane vil i så fall bli informerte om det alternative undervisningsopplegget ved semesterstart og før semesterregistreringsfristen 1. februar/1. september.
Obligatorisk undervisningsaktivitet
Innanfor undervisningsperioden skal studentane halda to munnlege presentasjonar relaterte til pensum. Val av tema skjer i samråd med faglærar, og målet er at studentane skal få øving både i å presentera og i å bruka utvalde teoriar på ei historisk problemstilling. Arbeidskrava må vera godkjende av faglærar før studentane kan gå opp til endeleg eksamen.
Dei obligatoriske arbeidskrava er gyldige i eitt semester etter undervisningssemesteret.
Vurderingsformer
Vurderinga skjer på grunnlag av ein munnleg eksamen. På den munnlege eksamenen skal studenten først halda ein presentasjon på 20-30 minuttar over eit tema som vert gjeve av faglærar 14 dagar før eksamen. I etterkant av presentasjonen vil studenten og sensorane samtala om innhaldet i presentasjonen og eventuelt andre relevante tema knytte til dette. Karakteren vert sett på grunnlag av både presentasjonen og samtalen i etterkant.
Hjelpemiddel til eksamen
Karakterskala
Ved sensur nyttar ein karakterskalaen A-F, der F er stryk.
Vurderingssemester
Litteraturliste
Pensum (om lag 550 sider) skal innehalda historiske kjeldetekstar og fagleg relevant sekundærlitteratur.
Studentane skal som hovudregel leggja opp det pensumet som ligg til grunn for undervisninga det gjeldande semesteret. Alternative pensum kan godkjennast etter grunngjeven søknad til fagmiljøet. I undervisningsfrie semester gjeld opplegget frå semesteret før som standardpensum.
Emneevaluering
Undervisninga blir evaluert i tråd med UiB sitt kvalitetssikrings-system.
Programansvarleg
Emneansvarleg
Administrativt ansvarleg
Kontaktinformasjon
studierettleiar@if.uib.no